நீட் தேர்வு ரத்து செய்யப்பட வேண்டும் என்பதில் அதிமுக உறுதியாக உள்ளது என்று, அதிமுகவின் ஒருங்கிணைப்பாளர் ஓ பன்னீர்செல்வம் சற்று முன்பு பரபரப்பு அறிக்கை ஒன்றை வெளியிட்டுள்ளார்.
நீட் விலக்கு தொடர்பான சட்டமன்ற அனைத்து கட்சிகளின் கூட்டத்தில் அதிமுக பங்கேற்காத நிலையில், அக்கட்சியின் ஒருங்கிணைப்பாளர் ஓ பன்னீர்செல்வம் அறிக்கை ஒன்றை வெளியிட்டுள்ளார்.
அதில், நீட் தேர்வை ரத்து செய்வது தொடர்பான அனைத்து சட்டப்படியான நடவடிக்கைகளையும் அதிமுக ஆதரிக்கும் என்றும், நீட் தேர்வு ரத்து செய்யப்பட வேண்டும் என்ற நிலைப்பாட்டில் அதிமுக எப்போதும் உறுதியாக உள்ளது என்றும் ஓபிஎஸ் தெரிவித்துள்ளார்.