வெற்றிமாறன் இயக்கத்தில் ரஜினி?
சிவா இயக்கத்தில் நடித்த அண்ணாத்த படத்திற்கு பிறகு பல இயக்குனர்களிடம் கதை கேட்டு உள்ள ரஜினி இன்னும் தனது அடுத்த படம் குறித்து எந்த தகவலையும் அறிவிக்கவில்லை. இந்த நேரத்தில் தற்போது ரஜினி நடிக்கும் ஒரு படத்தை வெற்றிமாறன் இயக்க இருப்பதாக புதிய தகவல் ஒன்று வெளியாகி இருக்கிறது. அதோடு இந்த படத்திற்கு இளையராஜா இசை அமைக்க, தாணு தயாரிப்பதாகவும் கோலிவுட்டில் ஒரு செய்தி வெளியாகி இருக்கிறது. தற்போது சூரி நடிக்கும் விடுதலை படத்தை இயக்கி வரும் வெற்றிமாறன் அதையடுத்து சூர்யா நடிப்பில் வாடிவாசல் படத்தை இயக்குகிறார். அதனால் அந்த படத்தை முடித்ததும் ரஜினி நடிக்கும் படத்தை அவர் இயக்குவார் என்று கூறப்படுகிறது.