வெஸ்ட் இண்டீஸ் அணியுடனான 2வது ஒருநாள் போட்டியின் போது இந்திய கேப்டன் ரோகித் சர்மா ஆக்ரோஷமாக பேசிய ஆடியோ வைரலாகியுள்ளது.
அகமதாபாத்தில் நடைபெற்ற வெஸ்ட் இண்டீஸ் அணிக்கு எதிரான 2வது ஒருநாள் போட்டியில் இந்திய அணி 44 ரன்கள் வித்தியாசத்தில் அபார வெற்றி பெற்றது. இதன்மூலம் 3 போட்டிகள் கொண்ட தொடரை இந்திய அணி 2-0 என்ற கணக்கில் கைப்பற்றியது.
— Russell Muscle (@45_Anonymous_18) February 9, 2022
முதன்முதலாக கேப்டன் பொறுப்பை ஏற்றுள்ள ரோகித் சர்மா தொடரை வென்று கொடுத்துள்ளது ரசிகர்களிடையே மகிழ்ச்சியை ஏற்படுத்தியுள்ளது. இதனிடையே நேற்றைய போட்டிக்கு நடுவே ஒரு வீரரிடம் ஆக்ரோஷமாக ரோகித் ஷர்மா பேசும் வீடியோ இணையத்தில் அதிகம் வைரலாகி வருகிறது.
வேகமாக ஃபீல்டிங் செய்யாமல் நின்ற இந்திய வீரர் ஒருவரைப் பார்த்து உனக்கு என்ன ஆச்சு?. நீ ஏன் சரியாக ஓடாமல் நிற்கிறாய்?. வேகமாக அங்கே ஓடி போ என இந்தியில் தெரிவிக்கிறார். இது தொடர்பான ஆடியோ, மைக் ஸ்டம்பில் பதிவாகியுள்ள நிலையில் வீடியோவும் வைரலாகியுள்ளது.
போட்டியினை நேரில் கண்ட பலரும் ரோகித் சர்மா சாஹலிடம் தான் அப்படி பேசினார் என தெரிவித்துள்ளனர்.