கோவா,
8-வது இந்தியன் சூப்பர் லீக் கால்பந்து போட்டி (ஐ.எஸ்.எல்.) கோவாவில் நடந்து வருகிறது. கொரோனா தடுப்பு விதிமுறைகளை பின்பற்றி கோவாவில் உள்ள 3 மைதானங்களில் ரசிகர்கள் இன்றி நடைபெறும் இந்த போட்டிகள் மார்ச் மாதம் வரை நீடிக்கிறது.
இந்த நிலையில் இன்று நடைபெற்ற ஆட்டத்தில் ஜாம்ஷெட்பூர் மற்றும் கேரளா பிளாஸ்டர்ஸ் அணிகள் மோதின. இந்த ஆட்டத்தில் ஜாம்ஷெட்பூர் அணி 3-0 என்ற கோல் கணக்கில் கேரளா பிளாஸ்டர்சை வீழ்த்தி வெற்றி பெற்றது.
இந்த ஆட்டத்தில் ஜாம்ஷெட்பூர் அணியின் கிரெக் ஸ்டீவர்டு ஆட்டத்தின் 45 மற்றும் 48 வது நிமிடங்களில் பெனால்டி உதவியுடன் இரண்டு கோல்கள் அடித்தார். மேலும் டேனியல் சிமா ஆட்டத்தின் 53 வது நிமிடத்தில் ஒரு கோல் அடித்தார். இதையடுத்து ஜாம்ஷெட்பூர் அணி கேரளா பிளாஸ்டர்சை வீழ்த்தி தன்னுடைய 7 வது வெற்றியை பதிவு செய்தது.
நாளை இரவு 7.30 மணிக்கு நடைபெறும் லீக் ஆட்டத்தில் பெங்களூரு-ஐதராபாத் அணிகள் சந்திக்கின்றன.