பேமிலி டூர் ; நீண்டநாள் கடன் தீர்த்த பூஜா ஹெக்டே
பத்து வருடங்களுக்கு முன் முகமூடி படம் மூலம் அறிமுகமான நடிகை பூஜா ஹெக்டே, ஒருகட்டத்தில் ராசியில்லாத நடிகை என முத்திரை குத்தப்பட்டு ஓரம் கட்டப்பட்டார்.. ஆனால் இன்றோ தனது தொடர் வெற்றிகள் மூலம் தயாரிப்பாளர்கள், இயக்குனர்கள், ஹீரோக்கள் என பலரும் தங்களது முதல் சாய்ஸாக விரும்பும் அளவுக்கு முன்னணி நடிகையாக வலம் வருகிறார் பூஜா ஹெக்டே. அந்தவகையில் தமிழில் விஜய்யுடன் நடித்துள்ள பீஸ்ட் மற்றும் தெலுங்கில் பிரபாஸுடன் நடித்துள்ள ராதே ஷ்யாம் என பூஜா ஹெக்டே நடித்துள்ள இரண்டு படங்கள் அடுத்தடுத்து ரிலீசாக இருகின்றன.
படப்பிடிப்பு இல்லாத சமயங்களில் ஜாலியாக வெளிநாட்டுக்கு டூர் கிளம்பிவிடும் பூஜா ஹெக்டே, அங்கிருந்து தனது புகைப்படங்களை சோஷியல் மீடியாவில் பகிர்ந்துகொள்வதையும் வாடிக்கையாக வைத்துள்ளார். இந்தமுறை மாலத்தீவுக்கு தனது குடும்பத்துடன் சுற்றுலா சென்றுள்ளார் பூஜா ஹெக்டே.. ‛‛கிட்டத்தட்ட 13 வருடங்களுக்கு பின் இப்படி குடும்பத்துடன் சுற்றுலா வந்துள்ளதாகவும் அந்தவிதமாக நீண்ட நாட்கள் நிலுவையில் இருந்த கடன் ஒன்றை செலுத்தி விட்டதாகவும்'' தனது மகிழ்ச்சியை வெளிப்படுத்தி உள்ளார் பூஜா ஹெக்டே.