புதுச்சேரியில் வங்கியில் இருந்து பணம் எடுத்து சென்ற பெண்ணை பின்தொடர்ந்து சென்று பணத்தை திருடிய ஆறு பேர் கும்பலை போலீசார் தேடி வருகின்றனர்.
தமிழரசி என்பவர் கிருமாம்பாக்கத்தில் உள்ள அடமான கடையில் இருந்து நகைகளை திருப்புவதற்காக, வங்கியில் இருந்து ஒரு லட்ச ரூபாய் எடுத்துள்ளார்.
இரு சக்கர வாகனத்தின் இருக்கைக்கு கீழ் பணத்தை வைத்த தமிழரசி, 50,000 ரூபாயை மட்டும் எடுத்து கொண்டு, அடமான கடைக்கு சென்றுள்ளார். அங்கிருந்து திரும்பிய போது வாகன இருக்கை பெட்டி திறக்கப்பட்டு அதிலிருந்த 50,000 ரூபாய் திருடு போயிருப்பது தெரியவந்தது.
போலீசார் சிசிடிவி காட்சிகளை ஆய்வு செய்த போது, தமிழரசியை பின் தொடர்ந்து வந்த இருவர், அடகு கடை வாசலில் நிறுத்தப்பட்டிருந்த வாகனத்தில் இருந்து பணத்தை திருடுவதும், தமிழரசி அவர்களை கவனிக்காமல் இருக்க மேலும் 4 பேர், திருட்டில் ஈடுபட்டுள்ளவர்களை மறைத்தபடி நிற்பதும் தெரியவந்தது.