அரபிக் குத்து பாடல்; விஜய் ரசிகர்களுக்கு கொடுத்த அதிர்ச்சி தகவல்!
நெல்சன் இயக்கத்தில் விஜய் பூஜா ஹெக்டே நடித்திருக்கும் பீஸ்ட் படம் தமிழ் புத்தாண்டுக்கு திரைக்கு வருகிறது. இந்நிலையில் அனிருத் இசையில் இப்படத்தில் இடம் பெற்றுள்ள அரபிக் குத்து பாடல் சமீபத்தில் வெளியிடப்பட்டு ரசிகர்கள் மத்தியில் மிகப்பெரிய வரவேற்பை பெற்று வருகிறது. இந்த நிலையில் தற்போது அரபிக் குத்து பாடல் குறித்து ஒரு அதிர்ச்சி தகவல் வெளியாகி இருக்கிறது.
அது என்னவென்றால், இதற்கு முன்பு சிவகார்த்திகேயன் நடிப்பில் நெல்சன் இயக்கிய டாக்டர் படத்தில் செல்லம்மா என்ற பாடல் படம் முடியும்போது டைட்டிலில் தான் இடம்பெற்றது. அதுபோலவே அரபிக் குத்து பாடலும் பீஸ்ட் படத்தில் இடம் பெற்று இருப்பதாக ஒரு தகவல் சோசியல் மீடியாவில் வைரலாகி வருகிறது. இதை பார்த்த விஜய் ரசிகர்கள் மிகப்பெரிய அளவில் அதிர்ச்சி அடைந்திருக்கிறார்கள். அதையடுத்தது அரபிக்குத்து பாடலை கண்டிப்பாக படத்திற்குள் இடம்பெறச் செய்ய வேண்டும். அதுதான் எங்களுக்கு உற்சாகத்தை கொடுக்கும். கண்டிப்பாக படம் முடிந்த பிறகு பாடலை படத்தின் டைட்டிலோடு இடம்பெறச் செய்யக்கூடாது என்று தங்களது கருத்துக்களை சோசியல் மீடியாவில் வெளியிட்டு வருகிறார்கள்.