சென்னையைச் சேர்ந்த 16 வயது சிறுவன், உலகின் நம்பர் ஒன் செஸ் வீரரான மேக்னஸ் கார்ல்செனை வீழ்த்தி சாதனை படைத்துள்ளார்.
பிரக்ஞானந்தா என்ற அந்த சிறுவன் இணைய வழியாக நடைபெறும் ஏர்திங்ஸ் மாஸ்டர்ஸ் செஸ் தொடரில் பங்கேற்றார். முதல் 7 போட்டிகளில் ஒரு போட்டியில் மட்டுமே வெற்றி பெற்ற பிரக்ஞானந்தா, எட்டாவது போட்டியில் உலகின் நம்பர் ஒன் வீரரான கார்ல்செனை எதிர்கொண்டார்.
ஆரம்பம் முதலே சிறப்பான ஆட்டத்தை வெளிபடுத்திய பிரக்ஞானந்தா, 39 நகர்வுகளில் கார்ல்செனை வீழ்த்தி வாகை சூடினார். 2013ஆம் ஆண்டு 8 வயதுக்கு உட்பட்டோருக்கான உலக செஸ் சாம்பியன்ஷிப்பை கைப்பற்றி அனைவரது கவனத்தையும் ஈர்த்த பிரக்ஞானந்தா, இன்று கார்ல்செனை வீழ்த்தி அசத்தியுள்ளார்.