விஜய்யுடன் சேர்ந்து நடிக்க வேண்டும் என்று அனைத்து ஹீரோயின்களுக்கும் ஆசை உண்டு. இந்நிலையில் தான் விஜய்யுடன் சேர்ந்து மாஸ்டர் படத்தில் நடிக்கும் வாய்ப்பு மாளவிகா மோகனனுக்கு கிடைத்தது.
விஜய்யுடன் டூயட் பாடலாம், ரொமான்ஸ் செய்யலாம் என்று எதிர்பார்த்த மாளவிகாவுக்கு மிஞ்சியது ஏமாற்றமே. மாஸ்டரில் மாளவிகா பெயருக்கு தான் ஹீரோயின். வந்துவிட்டு போனார், அவ்வளவே அவர் கதாபாத்திரம்.
இந்நிலையில் ட்விட்டரில் ரசிகர்கள் கேட்ட கேள்விகளுக்கு பதில் அளித்தார் மாளவிகா. அப்பொழுது ஒருவரோ, தளபதியுடன் சேர்ந்து மீண்டும் நடிக்க ஆசைப்படுகிறீர்களா?. ஆமாம் என்றால், எந்த வகையான படத்தில் நடிக்க விரும்புகிறீர்கள் என்று கேட்டார்.
அதற்கு மாளவிகாவோ, காதல் படத்தில் நடிக்க வேண்டும் என்று பதில் அளித்திருக்கிறார். மாளவிகாவின் ஆசையை நிறைவேற்றி வைப்பாரா விஜய்ணா என ரசிகர்கள் கேள்வி எழுப்பியுள்ளனர்.
முன்னதாக தனுஷுடன் சேர்ந்து நடிக்க ஆசை என்று ட்விட்டரில் தெரிவித்தார் மாளவிகா. இதையடுத்து கார்த்திக் நரேன் இயக்கத்தில் தனுஷ் நடித்திருக்கும் மாறன் படத்தில் அவருக்கு ஜோடியாக நடிக்கும் வாய்ப்பு மாளவிகாவுக்கு கிடைத்தது.
இந்நிலையில் மீண்டும் ட்விட்டரில் தன் ஆசையை வெளிப்படுத்தியிருக்கிறார். அவரின் ஆசை மீண்டும் நிறைவேறுமா என்பதை பொறுத்திருந்து பார்ப்போம்.
Dhanush:கமலுக்கு ஒரு அம்ரிதா, தனுஷுக்கு கவிதா: சூப்பர் பெண்மணிகள்