சீன நிறுவனமான Vivo-வின் கிளை நிறுவனமான iQOO இன்று இந்தியாவில் தனது ஐக்யூ 9 சீரிஸ் ஸ்மார்ட்போன்களை அறிமுகம் செய்தது. அதில் ஐக்யூ 9 குறைந்த விலையில் அறிமுகம் செய்யப்பட்டுள்ளது. இதற்கு அடுத்தபடியாக பிளாக்ஷிப் ப்ரோ மாடலும் இடம்பெற்றுள்ளது. ஐக்யூ 9 ப்ரோ ஸ்மார்ட்போனின் ஸ்னாப்டிராகன் 8 ஜென் 1 சிப்செட் பயன்படுத்தப்பட்டுள்ளது.
iQOO 9 ஸ்மார்ட்போனில் ஆண்ட்ராய்டு 12 இயங்குதளம், குவால்காம் ஸ்னாப்டிராகன் 888+ 5ஜி சிப்செட், 120W பாஸ்ட் சார்ஜிங், இண்டெலிஜெண்ட் டிஸ்ப்ளே சிப், ஆப்டிகல் இமேஜ் ஸ்டெபிலைசேஷன் கொண்ட கிம்பல் கேமரா ஆகியவை முக்கிய அம்சங்களாகப் பார்க்கப்படுகிறது.
ஐக்யூ 9 அம்சங்கள் (iqoo 9 feartures)
iQoo 9 ஸ்மார்ட்போனில் 6.56″ அங்குல அளவு கொண்ட 120Hz ஹெர்ட்ஸ் ரெப்ரெஷ் ரேட் ஆதரவுடன் 10 Bit அமோலெட் டிஸ்ப்ளே கொடுக்கப்பட்டுள்ளது. இந்த டிஸ்ப்ளே HDR10+ ஆதரவையும் பெற்றுள்ளது. 1200 நிட்ஸ் பீக் பிரைட்னஸும் இதில் இடம்பெற்றுள்ளது. மேம்படுத்தப்பட்ட Intelligent Display Chip இந்த திரைக்கு கூடுதல் தெளிவை சேர்க்கிறது.
மேலும், புதிய ஸ்னாப்டிராகன் 888+ 5ஜி சிப்செட் கொண்டு இந்த ஐக்யூ 9 ஸ்மார்ட்போன் இயக்கப்படுகிறது. திறன்வாய்ந்த கிராபிக்ஸ் எஞ்சினும் இதில் உள்ளது. ஆண்ட்ராய்டு 12 அடிப்படையிலான Fun Touch OS 12 ஸ்கின் கொண்டு இந்த ஸ்மார்ட்போன் இயங்குகிறது. கூடுதலாக InDispLay FingerPrint Scanner பாதுகாப்பு அம்சம் இதில் உள்ளது.
Flagship அம்சங்கள் கொண்ட குறைந்த விலை Moto Edge 30 pro ஸ்மார்ட்போன் – விலை இதுதான்!
ஐக்யூ 9 கேமரா (iQOO 9 Camera Quality)
இந்த ஸ்மார்ட்போனின் மூன்று பின்புற கேமராக்கள் கொடுக்கப்பட்டுள்ளது. இதில் முதன்மை கேமராவாக 48 மெகாபிக்சல் Gimbal லென்ஸ் வழங்கப்பட்டுள்ளது. வீடியோக்களை எந்த சூழலிலும் தெளிவாக படம்பிடிக்க இந்த தொழில்நுட்பம் உதவுகிறது. கூடுதலாக 13 மெகாபிக்சல் வைட் ஆங்கிள் உடன் கூடிய மேக்ரோ லென்ஸ், 13 மெகாபிக்சல் ஆப்டிகல் சூம் லென்ஸ் ஆகியவையும் பின்புற கேமரா அமைப்பில் அடங்கும்.
செல்பி மற்றும் வீடியோ அழைப்புகளுக்காக முன்பக்கம் 16 மெகாபிக்சல் கேமரா வழங்கப்பட்டுள்ளது. இந்த கேமராவுக்கு ஸ்கிரீன் பிளாஷ் ஆதரவு கொடுக்கப்பட்டுள்ளது. இதன் அபெர்ச்சர் f/2.4 ஆக உள்ளது. சிறந்த சுயப்படங்களை எடுக்க இந்த கேமரா உதவுகிறது.
108MP கேமரா போன்: சுத்தி சுத்தி படம்பிடிக்க சிறந்த கேமரா போன்கள்!
ஐக்யூ 9 பேட்டரி (iQoo 9 Battery Backup)
iQOO 9 ஸ்மார்ட்போனை சக்தியூட்ட 4350mAh பேட்டரி கொடுக்கப்பட்டுள்ளது. இந்த பேட்டரியை ஊக்குவிக்க 120W பாஸ்ட் சார்ஜிங் ஆதரவு வழங்கப்பட்டுள்ளது. 8ஜிபி, 12ஜிபி ஆகிய இரு ரேம் வேரியண்டுகளில் இந்த ஸ்மார்ட்போன் வெளியிடப்பட்டுள்ளது. மேலும், 128ஜிபி அல்லடு 256ஜிபி ஆகிய இரு மெமரி விருப்பங்களையும் கொண்டுள்ளது.
அக்செலெரோமீட்டர், சுற்றுப்புற ஒளி, திசைகாட்டி, ப்ராக்ஸிமிட்டி, கைரோஸ்கோப் ஆகிய சென்சார்கள் இந்த ஸ்மார்ட்போனில் கூடுதல் அம்சமாகப் பார்க்கப்படுகிறது. வைஃபை (5GHz), ப்ளூடூத் 5.2, ஜிபிஎஸ், ஓடிஜி, எப்.எம், 3.5mm ஜாக் ஆகிய இணைப்பு ஆதரவுகளையும் இந்த போன் பெறுகிறது. இதில் சூப்பர் லீனியார் ஸ்பீக்கர்கள் கொடுக்கப்பட்டுள்ளது. முக்கியமாக NFC சென்சாரும் இந்த ஸ்மார்ட்போனில் உள்ளது.
50MP சோனி OIS கேமரா… வெளியானது Realme 9 Pro Plus 5G சூப்பர் கேமரா மொபைல்!
ஐக்யூ 9 விலை (iqoo 9 price in india)
Legend White, Alpha Black ஆகிய இரு வண்ணத் தேர்வுகளின் இந்த ஸ்மார்ட்போன் விற்பனைக்குக் கொண்டு வரப்பட்டுள்ளது. விலையை பொருத்தவரை 8GB + 128GB வேரியண்டின் விலை ரூ.42,990 ஆகவும், 12GB + 256GB வேரியண்டின் விலை ரூ.46,990 ஆகவும் நிறுவன தளத்தில் பட்டியலிடப்பட்டுள்ளது. அமேசான் ஷாப்பிங் தளத்திலும் இந்த ஸ்மார்ட்போனை பயனர்கள் முன்பதிவு செய்ய முடியும்.
ஐக்யூ 9 விவரக்குறிப்புகள் (iqoo 9 specification)
பெயர்ஐக்யூ 9அளவு15.9 x 7.5 x 0.9 சென்டிமீட்டர்இயங்குதளம்ஆண்ட்ராய்டு 12 (ஃபண்டச் ஓஎஸ் 12)புராசஸர்குவால்காம் ஸ்னாப்டிராகன் 888+ சிப்செட், இண்டெலிஜெண்ட் டிஸ்ப்ளே எஞ்சின்திரை6.56″ அங்குல முழுஅளவு எச்டி+ அமோலெட் தொடுதிரை, 120Hz ஹெர்ட்ஸ் ரிப்ரஷ் ரேட்தெளிவுதிறன்2376*1080 பிக்சல்கள்பின்புற கேமரா48 மெகாபிக்சல் முதன்மை கிம்பல் சென்சார் (f/1.79) (EIS + OIS) + 13 மெகாபிக்சல் அல்ட்ரா வைட் சென்சார் உடன் மேக்ரோ லென்ஸ் (f/2.2)+ 13 மெகாபிக்சல் ஆப்டிகல் சூம் (f/2.4)முன்புற கேமரா16 மெகாபிக்சல் செல்பி (f/2.4)ஸ்லாட்இரண்டு 5ஜி நானே சிம்ரேம்8ஜிபி / 12ஜிபிஸ்டோரேஜ்128ஜிபி / 256ஜிபிஆதரவுவைஃபை (5GHz), ப்ளூடூத் 5.2, டைப்-சி, ஜிபிஎஸ், ஓடிஜி, எப்.எம், 3.5mm ஜாக்சென்சார்அக்செலெரோமீட்டர், சுற்றுப்புற ஒளி, திசைகாட்டி, கைரேகை, ப்ராக்ஸிமிட்டி, கைரோஸ்கோப், என்எஃப்சிஇடங்காட்டிஜிபிஎஸ், BEIDOU, GLONASS, GALILEO, QZSSபேட்டரி4350mAh / 120W சூப்பர்வூக் சார்ஜிங் ஆதரவுநிறங்கள்லெஜெண்ட், ஆல்பாஎடை200 கிராம்விலை8ஜிபி + 128ஜிபி – ரூ.42,990 |