''எடப்பாடிக்கு ஆன்ம பலம் இருக்குமானால்…'' – நாஞ்சில் சம்பத் சவால்

”என்ன சாதித்தார் என்று கேட்கின்ற எடப்பாடிக்கு நான் சொல்வது, தமிழ்நாட்டில் உள்ளாட்சி மன்றத் தேர்தலை அறிவித்ததே மிகப்பெரிய சாதனை. ஏனெனில், ‘மாநகராட்சி – நகராட்சித் தேர்தல்களை நடத்தினால் தோற்றுப்போய்விடுவோம்’ என்று கருதி உள்ளாட்சி ஜனநாயகத்தைப் பாழ்படுத்தியவர் எடப்பாடி பழனிசாமி. ஆனால், அதிகாரத்தில் இருக்கிற காலகட்டத்தில், எட்டுத் திங்களில் உள்ளாட்சி மன்றத் தேர்தலை நடத்த உத்தரவிட்டு, ஜனநாயகத்தின் நாற்றங்கால்களாக இருக்கின்ற உள்ளாட்சிக்கு உரிய மரியாதையைத் தந்தவர் மு.க.ஸ்டாலின். இதைவிட பெரிய சாதனை என்ன வேண்டும் எடப்பாடிக்கு?”

”நீதிமன்ற உத்தரவெல்லாம் கிடையாது. எடப்பாடி முதல்வராக இருந்தபோதும்தான் நீதிமன்ற உத்தரவு இருந்தது. ஆனால், அவர் உள்ளாட்சித் தேர்தலை நடத்தவில்லையே!”

”நீட் தேர்வை நடத்தியவர் எடப்பாடி பழனிசாமி. ஆனால், நீட் தேர்வுக்கு எதிராக ஒரு பெரிய போராட்டத்தைத் தொடங்கி நடத்திக்கொண்டிருப்பவர் ஸ்டாலின்.

கொரோனா பெருந்தொற்று கொத்துக்கொத்தாக தமிழர்களின் உயிரைக் காவு வாங்கிக்கொண்டிருந்த நேரத்தில்தான் தி.மு.க அரசு பதவியேற்றது. ஆனால், பொறுப்பேற்ற பிறகு கொரோனாவை ஒழிப்பதிலும், தடுப்பூசி செலுத்துவதிலும் இந்தியாவிலேயே முதலிடத்தில் நிற்கிறது தமிழ்நாடு.

அது மட்டுமல்ல…. இந்தக் கொரோனா பெருந்தொற்று சூழலிலும் தொழில் முதலீடுகளை ஈர்ப்பதில் குஜராத்தை முந்திக்கொண்டு முதலிடத்தில் நிற்கிறது தமிழ்நாடு.

”முதல் அமைச்சரை ஒரே மேடையில் விவாதிக்க சவால் விடுகிற எடப்பாடிக்கு ஆண்மையும் ஆன்ம பலமும் இருக்குமானால், இந்த விவகாரத்தை சட்ட மன்றத்திலேயே அவர் எதிர்கொண்டிருக்க வேண்டும். அதாவது, ‘நீட் தேர்வு பிரச்னை குறித்து சட்டமன்றத்தில் விவாதிக்க வேண்டும்’ என்று கவன ஈர்ப்பு தீர்மானத்தைக் கொண்டுவந்திருக்க வேண்டும். சட்டமன்றத்தில் கேட்கத் துணிச்சல் இல்லாத எடப்பாடி, அ.தி.மு.க தொண்டனைக் குழப்புவதற்காக இப்போது ஸ்டாலினை சவாலுக்கு அழைக்கிறார்.”

தமிழகத்தின் அமைதியைக் கெடுப்பதற்கும் தமிழகத்தை அமளிக்காடாக்குவதற்கும் திட்டமிட்ட கலவரத்தை உருவாக்குவதற்கும் காவிக்கும்பல்களோடு சேர்ந்துகொண்டு தமிழகத்தின் நிறத்தை மாற்றுவதற்குத் திட்டமிடுகிறார்கள். அவர்களுடைய அடுத்த வேலைத்திட்டம் இதுதான். அதற்காகத்தான் இப்படியெல்லாம் பேசிவருகிறார்கள்.”

”மதச்சார்பற்ற அணி என்ற வலுவான கட்டமைப்புக்குள் தி.மு.க-வோடு காங்கிரஸ், ம.தி.மு.க., வி.சி.க., மார்க்சிஸ்ட் கம்யூனிஸ்ட், இந்திய கம்யூனிஸ்ட், இந்திய யூனியன் முஸ்லிம் லீக், மனித நேய மக்கள் கட்சி என அனைவரும் ஒன்றாகக் கரம் கோர்த்து உறுதியோடு நிற்கிறோம். ஆக, பா.ஜ.க-வுக்கு எதிராக வலிமையானதொரு கூட்டணி இயக்கத்தை இயக்குகிறார் மு.க.ஸ்டாலின். ஆனால், அ.தி.மு.க., அஸ்தமனத்தை நோக்கி – அதலபாதாளத்தை நோக்கிப் பயணிக்கிறது.

தி.மு.க-வின் தேவை தமிழகத்தைத் தாண்டி இந்தியாவுக்கும் தேவைப்படுகிற கட்டத்தில் கொண்டுபோய் நிறுத்தியிருக்கிறார் மு.க.ஸ்டாலின். காந்தியின் இந்தியாவை கோட்ஸேவின் இந்தியாவாக மாற்றுவதற்கு, எடுக்கின்ற பாசிஸ நடவடிக்கைகளுக்கு தி.மு.க ஒருக்காலும் செவி சாய்க்காது என்பதைவிட, அதை எந்தக் காலத்திலும் எதிர்த்து நிற்கிற அணிவகுப்புக்கு எப்போதும் தலைமை தாங்கும்!”

”தமிழ்நாடு அளவில், இப்போது தலைமை தாங்கி வழிநடத்தி வருபவர் மு.க.ஸ்டாலின். அகில இந்திய அளவிலும் தலைமை தாங்கி வழிநடத்தக்கூடிய நாளும் விரைவில் வரும். அதற்கான முதல்கட்டமாக நாடு முழுக்க உள்ள 37 தலைவர்களையும் சமூக நீதிக் கூட்டமைப்பில் இணைத்துக்கொள்வதற்காக கடிதம் எழுதியிருக்கிறார். பா.ஜ.க அல்லாத முதல்வர்கள் கூட்டத்தை டெல்லியிலே நடத்துவதற்காகத் திட்டமிட்டு வருகிறார். ஆக, தேசிய அளவில் ஸ்டாலின் புதிய விஸ்வரூபம் எடுத்து வருகிறார்.”

”அப்படியெல்லாம் கிடையாது. மதம், வகுப்புவாதம் என்று வெறுப்பரசியல் செய்துவருகிற பா.ஜ.க எனும் அழிவு சக்தியை இந்தியாவிலிருந்தே அப்புறப்படுத்த வேண்டிய கடமை எல்லோருக்கும் இருக்கிறது என்ற உண்மையை நாங்கள் எல்லோருமே உணர்ந்துள்ளோம். எனவே, ராகுல் காந்தி, மம்தா பானர்ஜி, மு.க.ஸ்டாலின் என்று எங்களைப் பிரித்துப் பார்க்கத் தேவையில்லை. யுத்த காலம் நெருங்கிவரும்போது, எல்லா தலைவர்களுமே ஒன்று சேர்ந்து சரியான முடிவை எடுப்பார்கள்.”

”ஆதாரத்தை சொல்ல வேண்டியதுதானே! சீமான் ஒரு ஆண் மகனாக இருந்தால், ஆதாரத்தை சொல்லவேண்டும்!”

”அறிவார்ந்த தளத்திலிருந்து எந்தவித விவாதத்தையும் செய்வதற்கு அண்ணாமலை தயாரில்லை. நாங்கள் மோடியிடத்திலோ அல்லது அரசியலமைப்பு சட்டத்திடமோ நாங்கள் மோதுதல் நடத்தவில்லை. தமிழக சட்டமன்றத்தினுடைய இறையாண்மையை, பாதுகாக்கப் போராடி வருகிறோம். தமிழக மக்களின் வாழ்வுரிமைக்காகப் போராடுகிறோம்.