கிளாப் படத்தில் மாற்றுத் திறனாளியாக நடிக்கும் ஆதி
தி வாரியர் படத்தில் வில்லனாக நடித்து வரும் ஆதி, ஹீரோவாக நடித்திருக்கும் படம் கிளாப். அகன்ஷா சிங், பிரகாஷ்ராஜ், நாசர், கிரிஷ்கா கரூப் உள்பட பலர் நடித்திருக்கிறார்கள். புதுமுக இயக்குனர் பிருத்வி ஆதித்யா இயக்கி உள்ளார். இந்த படத்தில் ஆதி ஒரு ஓட்டப்பந்தைய வீரராக நடிக்கிறார். ஒலிம்பிக் கனவுடன் ஓடும் அவரை ஊக்கப்படுத்தி தயார் செய்கிறார் பயிற்சியாளர் பிரகாஷ்ராஜ். ஆனால் விளையாட்டுத்துறையில் இருக்கும் அரசியலில் சிக்கி அதனால் ஒரு காலை இழக்கிறார். காலை இழந்தாலும் எப்படி தான் நினைத்ததை சாதிக்கிறார் என்பதுதான் படத்தின் கதை என்கிறார்கள். இதில் 50 சதவிகித முட்டிக்கு கீழ் காலை இழந்தவராக நடித்திருக்கிறார். இந்த படம் விரைவில் ஒடிடி தளத்தில் வெளியாகிறது.