Tamil Health For Diabetes Patients : உலகளவில் அதிகம் மரணத்தை ஏற்படுத்தும் முக்கிய நோய்களில் ஒன்று நீரிழிவு. உடலில் இரத்த சர்க்கரையின் சமநிலை தவறும்போது நீரிழிவு நோய் ஏற்படுகிறது. இந்த நோயை கட்டுப்படுத்த பல்வேறு ஆங்கில மருத்துவ முறைகள் இருந்தாலும், எளிமையான முறையில் வீட்டில் அதிகம பயன்படுத்தப்படும் மசாலா பொருட்களை வைத்து நீரிழிவு நோய்க்கு தீர்வு காணலாம்.
ஒவ்வொரு உணவுப் பொருளிலும் சிறிது கூடுதலாக மஞ்சளைச் சேர்ப்பதன் மூலமும், பால் மற்றும் தேநீரில் சிறிது மஞ்சள் சேர்ப்பதன் மூலம் நீரிழிவு நோயை எளிமையான முறையில் கட்டுப்படுத்தலாம். தாமிர பாத்திரங்களில் இருந்து தண்ணீர் குடிப்பது உடலின் நல்வாழ்வை மீட்டெடுக்கவும், சர்க்கரை அளவுகளில் ஏற்ற இறக்கங்களைத் தடுக்கவும் உதவும்.
குறைந்த கொழுப்புள்ள உணவுகளை சாப்பிடுவது முக்கியம். உங்கள் தேநீரில் இஞ்சியைச் சேர்ப்பதும் உடலில் உள்ள கபாவைக் குறைக்க உதவும்.
பாகற்காய்
பொதுவாக ஏழைகளுக்கும் எளிமையாக கிடைக்கும் பாகற்காயை நீரிழிவு நோயாளிகள் தங்கள் அன்றாட உணவில் சேர்க்க வேண்டும். இது இரத்தச் சர்க்கரைக் குறைவு உயிர் இரசாயனப் பொருட்களில் நிறைந்துள்ளது. இரத்தத்தில் உள்ள சர்க்கரையின் அளவைக் கட்டுப்படுத்த இந்த பொருள் சிறந்தது.
நெல்லிக்காய்
ஆம்லா கார்போஹைட்ரேட் உறிஞ்சுதலை ஒழுங்குபடுத்த உதவுகிறது. குரோமியத்தின் இருப்பு இன்சுலின் உணர்திறனுக்கு உதவுகிறது. நீங்கள் நெல்லிக்காயை பச்சையாகவோ அல்லது ஜூஸ் வடிவிலோ சாப்பிடலாம்.
நாவல் பழம்
நாவல்பழம் இன்சுலினை ஒழுங்குபடுத்தவும், இன்சுலின் உற்பத்தியை அதிகரிக்கவும் உதவுகிறது. 4-5 நாவல் இலைகள் மற்றும் நாவல் பழத்தை மென்று சாப்பிடுவது சர்க்கரையின் அளவைக் குறைக்கும்.
கறிவேப்பிலை
எளிமையாக கிடைக்கும் கறிவேப்பிலை நீரிழிவு நோயைக் கட்டுப்படுத்தவும் சிறந்தது, எனவே ஒரு நாளைக்கு இரண்டு அல்லது மூன்று முறை சாப்பிட பரிந்துரைக்கப்படுகிறது.
வெந்தயம்
ஆயுர்வேத நிபுணர்களின் கூற்றுப்படி, நீரிழிவு நோயாளிகள் தொடர்ந்து வெந்தயத்தை உட்கொள்ள வேண்டும். வெந்தையத்தை முளைக்க வைத்து காலையில் வெறும் வயிற்றில் சாப்பிடலாம் அல்லது வெந்தய தண்ணீரை குடிக்கலாம்.