மோட்டோரோலா நிறுவனத்தின் புதுவரவான
மோட்டோ எட்ஜ் 30 ப்ரோ
(Moto Edge 30 Pro) இந்தியாவில் அறிமுகம் செய்யப்பட்டது. இந்த ஸ்மார்ட்போன் Flipkart தளத்தில் பட்டியலிடப்பட்டுள்ளது. சீனாவில் வெளியான Moto Edge X30 ஸ்மார்ட்போன் இந்தியாவில் மோட்டோ எட்ஜ் 30 என பெயர் மாற்றம் கண்டுள்ளது.
அந்த வகையில், இந்த பிளாக்ஷிப் ஸ்மார்ட்போனில் இருக்கும் சிறப்பு அம்சங்கள் குறித்து பார்க்கலாம். இதில் பிளாக்ஷிப் ஸ்னாப்டிராகன் 8 ஜென் 1 சிப்செட், OLED திரை, 68W பாஸ்ட் சார்ஜிங் ஆதரவு, ஆப்டிகல் இமேஜ் ஸ்டெபிலைசேஷன் உடன் 50 மெகாபிக்சல் முதன்மை கேமரா போன்ற அம்சங்கள் உள்ளது.
மோட்டோ எட்ஜ் 30 ப்ரோ அம்சங்கள் (moto edge 30 pro features)
புதிய மோட்டோ போனில், 6.7″ அங்குல முழு அளவு எச்டி+ OLED டிஸ்ப்ளே கொடுக்கப்பட்டுள்ளது. இது 144Hz ஹெர்ட்ஸ் ரெப்ரெஷ் ரேட், 576Hz ஹெர்ட்ஸ் டச் சேம்பிளிங் ரேட், HDR10+ ஆகிய ஆதரவுடன் வருகிறது. இந்த ஸ்மார்ட்போன் பிளாக்ஷிப் Qualcomm Snapdragon 8 Gen 1 சிப்செட் கொண்டு இயக்கப்படுகிறது.
ஆண்ட்ராய்டு 12 அடிப்படையிலான இயங்குதளம் ஸ்மார்ட்போனை இயக்குகிறது. எந்த விதமான Bloatware-ம் இதில் இருக்காது என்று கூறப்படுகிறது. மேலும், 2 வருடங்களுக்கான ஆண்ட்ராய்டு அப்டேட் உத்தரவாதத்தை நிறுவனம் வழங்குகிறது.
108MP கேமரா போன்: சுத்தி சுத்தி படம்பிடிக்க சிறந்த கேமரா போன்கள்!
மோட்டோ எட்ஜ் 30 ப்ரோ கேமரா
(moto edge 30 pro camera quality)
இந்த ஸ்மார்ட்போன் கேமராவைப் பொருத்தவரை, பின்பக்கம் டிரிப்பிள் கேமரா அமைப்பு கொடுக்கப்பட்டுள்ளது. 50 மெகாபிக்சல் முதன்மை சென்சார் OIS + EIS உடன் வருகிறது. இதன் உதவியுடன் 4K தரத்திலான படங்களை நாம் எடுக்க முடியும். இதில் தெளிவான படங்களை பிடிப்பதற்காக 50 மெகாபிக்சல் வைட் ஆங்கிள் லென்ஸ், ஒரு டெப்த் சென்சாரும் கொடுக்கப்பட்டுள்ளது.
செல்பி மற்றும் வீடியோ அழைப்புகளுக்காக திறன்வாய்ந்த 60 மெகாபிக்சல் கேமரா வழங்கப்பட்டுள்ளது. 5G, NFC, ப்ளூடூத் 5.2, வைஃபை 6 போன்ற இணைப்பு ஆதரவுகளை இந்த ஸ்மார்ட்போன் கொண்டிருக்கிறது. 8ஜிபி LPDDR5 ரேம் இதில் வழங்கப்பட்டுள்ளது. மேலும், 128ஜிபி UFS 3.1 உள்ளடக்க மெமரியும் இதில் கொடுக்கப்பட்டுள்ளது.
வெறும் ரூ.10,990க்கு 5000mAh பேட்டரி உடன் மொபைல் வெளியிட்ட Vivo!
மோட்டோ எட்ஜ் 30 ப்ரோ பேட்டரி
(moto edge 30 pro battery backup)
Moto Edge 30 Pro ஸ்மார்ட்போனை சக்தியூட்ட 4800mAh பேட்டரி கொடுக்கப்பட்டுள்ளது. இதனை டைப்-சி சார்ஜிங் போர்ட் வழியாக திறனூட்ட 68W டர்போ சார்ஜிங் ஆதரவு வழங்கப்பட்டுள்ளது. மேலும், 15W வயர்லெஸ் சார்ஜிங், 5W பவர் ஷேரிங் அம்சங்களும் கூடுதலாக உள்ளது.
இந்த ஸ்மார்ட்போனில் 3.5mm ஜாக்கை நிறுவனம் நீக்கியுள்ளது. இதற்கு பதிலாக ஸ்னாப்டிராகனின் துல்லியமான ஒலியை ப்ளூடூத் வழியாக பகிரும் புதிய தொழில்நுட்பம் இதில் அறிமுகப்படுத்தப்பட்டுள்ளது. இதை மோட்டோ நிறுவனம் ஸ்னாப்டிராகன் சவுண்ட் என்று விளம்பரப்படுத்துகிறது.
மோட்டோ டேப் ஜி70: ஹீலியோ ஜி90டி சிப்செட், 2K டிஸ்ப்ளே… சாம்சங் டேப் ஏ8 இன் நேரடி போட்டியாளர்!
மோட்டோ எட்ஜ் 30 ப்ரோ விலை
(moto edge 30 pro price in india)
மோட்டோ எட்ஜ் 30 ப்ரோ இந்தியாவில் ஸ்னாப்டிராகன் 8 ஜென் 1 என்ற ப்ளாக்ஷிப் சிப்செட்டைக் கொண்டிருக்கும் மிகவும் மலிவு ஸ்மார்ட்போனாக இருக்கும். இது சாம்சங் கேலக்ஸி S22 தொடருடன் ஒப்பிடும்போது இந்தியாவில் மிகவும் குறைந்த விலையில் அறிமுகம் செய்யப்பட்டுள்ளது. சாம்சங் கேலக்ஸி S22 சீரிஸின் ஆரம்ப விலை ரூ. 72,999 ஆக உள்ளது.
ஆனால், இந்தியாவில் மோட்டோ எட்ஜ் 30 ப்ரோ போனில் தொடக்க விலை ரூ.49,999 ஆக நிர்ணயம் செய்யப்பட்டுள்ளது. மேலும், Flipkart வழியாக இந்த புதிய மோட்டோ எட்ஜ் 30 ப்ரோ ஸ்மார்ட்போன் பல்வேறு வங்கி சலுகைகளுடன் அறிமுகப்படுத்தப்பட்டுள்ளது. எனவே, தள்ளுபடிகளுடன் இதன் தொடக்க விலை ரூ.44,999ஆக பட்டியலிடப்பட்டுள்ளது.