நேர்கொண்ட பார்வை படத்தின் வெற்றிக்கு பிறகு இரண்டாவது முறையாக
எச் வினோத்
இயக்கத்தில் ‘
வலிமை
‘ படத்தில் நடித்துள்ளார் அஜித். இந்தப்படத்தின் ரிலீசுக்காக வெறித்தனமாக காத்திருந்தனர் ரசிகர்கள். இந்நிலையில் நேற்றைய தினம் வெளியாகியுள்ள ‘வலிமை’ படம் ரசிகர்கள் மத்தியில் அமோக வரவேற்பினை பெற்று வருகிறது.
‘வலிமை’ படத்தில் அஜித்திற்கு ஜோடியாக பாலிவுட் நடிகை ஹூமா குரேஷி நடித்துள்ளார்.
போனி கபூர்
தயாரித்துள்ள இந்த படத்திற்கு யுவன்சங்கர் ராஜா இசையமைத்துள்ளார். அஜித் ரசிகர்களின் வெறித்தனமான காத்திருப்பிற்கு பின்னர் தமிழ், தெலுங்கு, இந்தி, கன்னடம் என 4 மொழிகளில் ‘வலிமை’ படம் வெளியாகி உள்ளது.
நேற்று அதிகாலை நான்கு மணிக்கு வெளியான ‘வலிமை’ ரிலீசை திருவிழா போல் கொண்டாடினர் ரசிகர்கள். மேளதாளம், கட்டவுட்டுக்கு பாலாபிஷேகம் செய்வது உள்ளிட்ட செயல்களில் ஈடுபட்டனர். சென்னையில் உள்ள பிரபல தியேட்டரில் குவிந்திருந்த ரசிகர்கள் அந்த வழியாக வந்த பால் வண்டியை மடக்கி அதில் இருந்த தயிரை பால் என நினைத்து அதைத் திருடிச் சென்று அபிஷேகம் செய்து உள்ளனர்.
இந்த சம்பவம் குறித்து பால் முகவர்கள் சங்கத் தலைவர் வீடியோ ஒன்றை வெளியிட்டு அதில் அஜித்துக்கு கோரிக்கை மற்றும் கண்டனத்தை பதிவு செய்துள்ளார். அதில், கடந்த முறை விவேகம் படம் ரிலீஸ் ஆனபோது உங்களை சந்தித்து பேச முயற்சி செய்தோம். பால் அபிஷேகம் செய்வது போன்ற செயல்களில் ஈடுபடுவதை தடுத்து நிறுத்த வேண்டும் என பேச நினைத்தோம்.
பாக்ஸ் ஆபிஸில் மெர்சல் காட்டும் ‘வலிமை’: அஜித் ரசிகர்கள் மகிழ்ச்சி..!
ஆனால் உங்களின் மேனேஜர் சுரேஷ் அஜித் அவர்களுக்கு ரசிகர் மன்றம் இல்லை கலைத்து விட்டார் அதனால் அவர் எந்தவித அறிக்கையையும் வெளியிட மாட்டார் என கூறிவிட்டார். நீங்கள் ரசிகர் மன்றத்தை கலைத்து இருந்தாலும் உலகம் முழுவதும் உங்களுக்கு லட்சக்கணக்கான ரசிகர்கள் இருக்கத்தான் செய்கிறார்கள். உங்களின் படம் வெளியாகியது பாலபிஷேகம் செய்வது போன்ற செயல்களில் ஈடுபடுவது நிறுத்தவில்லை.
ரசிகர்களை நல்வழிப்படுத்த வேண்டிய பொறுப்பை நீங்கள் தான் எடுத்துக் கொள்ள வேண்டும். நான் ரசிகர் மன்றத்தை கலைத்து விட்டேன் எனக்கும் அதற்கும் சம்பந்தமில்லை என நீங்கள் தப்பிக்க முடியாது. இந்த பிரச்சனையில் தலையிட்டு இதற்கு தீர்வு காண வேண்டும் பேசியுள்ளார். இந்த வீடியோ தற்போது இணையத்தில் வைரலாகி வருகிறது.
ஆட்டம் பாட்டத்துடன் வலிமை கொண்டாட்டம்!