உக்ரைன்
மீது
ரஷ்யா
போர் தொடுத்துள்ளது. அந்த நாட்டின் விமானப்படை, கடற்படை, ராணுவ தளங்கள் மற்றும் ஆயுத கிடங்குகளை குறிவைத்து ரஷ்ய போர் விமானங்கள் குண்டுமழை பொழிந்து வருகின்றன. ஏவுகணை தாக்குதலும் நடத்தப்படுகிறது. உக்ரைன் தலைநகர் கீவ்-யை சுற்றி வளைத்து ரஷ்யா தாக்குதல் நடத்தி வருகிறது.
முன்னதாக, உக்ரைன் எல்லையில் போர் பதற்றம் அதிகரித்த நிலையில், அமெரிக்கா கடுமையான எச்சரிக்கைகளை விடுத்தது. கடுமையான பொருளாதார தடைகளை விதிக்க அதன் கூட்டனி நாடுகள் தயாராக இருப்பதாகவும் அமெரிக்கா அறிவித்தது. அதன்படி, அமெரிக்கா மற்றும் அதன் கூட்டணி நாடுகள் ரஷ்யா மீது பொருளாதாரத் தடைகளை விதித்துள்ளது.
மேலும், உக்ரைன் மீது ரஷ்யா போர் தொடுத்தால் அதன் விளைவுகளை அந்நாடு கடுமையாக எதிர்கொள்ள வேண்டும். தொடர்ந்து ஆயுதங்களை உக்ரைனுக்கு வழங்குவோம் என்று அமெரிக்க அதிபர் ஜோ பைடன் தெரிவித்தார். இதனால், உக்ரைன் மீது போர் தொடுத்துள்ள ரஷ்யா மீது அமெரிக்காவை உள்ளடக்கிய நேட்டோ படைகள் தாக்குதல் நடத்தும் என எதிர்பர்க்கப்பட்டது.
யுத்தத்தை முடிக்க.. வெட்டி வீராப்பை விட்டு விட்டு.. இறங்கி வருவாரா உக்ரைன் அதிபர்?
ஆனால், ரஷ்யா மீது அமெரிக்க படைகள் தாக்குதல் நடத்தாது என அந்நாட்டு அதிபர் ஜோ பைடன் திட்டவட்டமாக தெரிவித்து விட்டார். நேட்டோ நாடுகள் மீது ரஷ்யா தாக்கினால் அமெரிக்க உடனடியாக பதிலடி கொடுக்கும். நேட்டோ நாடுகளுக்கு அமெரிக்கா உறுதுணையாக இருக்கும் என்றும் ஜோ பைடன் தெரிவித்தார். நேட்டோவில் இணையாததால் அந்நாட்டு உதவ முடியாது என்று ஜோ பைடன் மறைமுகமாக தெரிவித்துள்ளார். ஆனால், நேட்டோவில் உக்ரைனை அங்கமாக சேர்க்கக் கூடாது என்பதையே ரஷ்யா முதன்மை கோரிக்கையாக இருக்கிறது என்பது கவனிக்கத்தக்கது. நேட்டோவில் இணைய அந்நாடு விருப்பம் தெரிவித்து அதற்கான நடவடிக்கைகளை மேற்கொண்டதே இந்த போருக்கு முக்கியக் காரணம் என்பதும் நினைவுகூரத்தக்கது.
இந்த நிலையில், உலகின் சக்தி வந்த நாடான ரஷ்யாவை நேற்று எப்படி தனியாக எதிர்த்தோமோ, அதேபோலதான் 2ஆவது நாளான இன்றும் தனியாக எதிர்த்து வருவதாக
உக்ரைன் அதிபர்
செலன்ஸ்கி தெரிவித்துள்ளார். மேற்கத்திய நாடுகள் எங்களை முற்றிலுமாக கைவிட்டுள்ளது. இதை எதிர்பார்த்தோம் என்றாலும் கூட அதிக வேதனையை தருகிறது என்றும் அவர் உருக்கமாக தெரிவித்துள்ளார்.