இந்தியாவில் நம்பகத்தன்மையை பெற்ற ஸ்மார்ட்போன் பிராண்டும், முன்னேறி வரும் மொபைல் பிராண்டும் நேரடி போட்டியில் இறங்கியுள்ளது. ஒன்பிளஸ், ரியல்மி ஆகிய இரு பிராண்டுகளும் சமீபத்தில் வெளியிட்ட ஸ்மார்ட்போன்கள் ஒன்றோடு ஒன்று இணைந்துள்ளது போல தோற்றமளிக்கிறது.
அதன்படி ஒன்பிளஸ் நார்ட் சிஇ 2 5ஜி போனுடன் ரியல்மி 9 ப்ரோ பிளஸ் ஸ்மார்ட்போனை ஒப்பீடு செய்து பார்க்கலாம். டிஸ்ப்ளே, செயல் திறன், பேட்டரி, கேமரா என அனைத்திலும் இரு ஸ்மார்ட்போன்களும் மிகவும் நெருங்கிய அம்சங்களை கொண்டுள்ளது.
Oneplus Nord CE 2 5g vs Realme 9 Pro Plus features
Oneplus ஆண்ட்ராய்டு 11 அடிப்படையிலான OxygenOS ஸ்கின் கொண்டு இயங்குகிறது. எனினும், விரைவில் மேம்படுத்தப்பட்ட ஆண்ட்ராய்டு 12 அப்டேட் பயனர்களுக்குக் கிடைக்கும் என்று கூறப்படுகிறது. இந்த போனை திறனுட்ட MediaTek Dimensity 900 5ஜி சிப்செட் பயன்படுத்தப்பட்டுள்ளது. இதற்கு ஆதரவுக்காக ARM Mali-G68 MC4 கிராபிக்ஸ் எஞ்சின் வழங்கப்பட்டுள்ளது.
Realme போனின் சிறப்பு என்னவென்றால், இந்த ஸ்மார்ட்போன் ஆண்ட்ராய்டு 12 அடிப்படையிலான ரியல்மி யுஐ 3.0 ஸ்கின் கொண்டு இயங்குகிறது. தற்போது வெளியான பட்ஜெட் ஸ்மார்ட்போன்களின், ரியல்மி நிறுவனம் மட்டும் தான் ஆண்ட்ராய்டு 12 உடன் போனை வெளியிட்டுள்ளது குறிப்பிடத்தக்கது. ரியல்மி 9 ப்ரோ பிளஸ் ஸ்மார்ட்போனானது MediaTek Dimensity 920 5G Processor சிப்செட் உதவியுடன் இயக்கப்படுகிறது. கிராபிக்ஸ் பயன்பாட்டுக்காக மாலி ஜி86 எம்சி4 கிராபிக்ஸ் எஞ்சின் பயன்படுத்தப்பட்டுள்ளது.
ஒன்பிளஸ் நார்ட் சிஇ 2 5ஜி ஸ்மார்ட்போனில் 6.43″ அங்குல முழு அளவு எச்டி+ அமோலெட் டிஸ்ப்ளே உள்ளது. தெளிவான காட்சிக்காக 2400*1080 பிக்சல்கள், 409ppi திரை அடர்த்தி, HDR10+ போன்ற அம்சங்கள் உள்ளன. கார்னிங் கொரில்லா கிளாஸ் 5 பாதுகாப்பு இந்த டிஸ்ப்ளேயில் கொடுக்கப்பட்டுள்ளது. இந்த திரை 90Hz ஹெர்ட்ஸ் ரெப்ரெஷ் ரேட் ஆதரவு கொண்டதாக உள்ளது.
ரியல்மி 9 ப்ரோ பிளஸ் ஸ்மார்ட்போனில் 90Hz ரெப்ரெஷ் ரேட் கொண்ட சூப்பர் அமோலெட் டிஸ்ப்ளே கொடுக்கப்பட்டுள்ளது. இது 6.4″ அங்குல முழு அளவு எச்டி+ AMOLED திரையாகும்.
Oneplus Nord CE 2 5g vs Realme 9 Pro Plus camera comparison
ரியல்மி போனில், 50 மெகாபிக்சல் சோனி சென்சார் ஆப்டிகல் இமேஜ் ஸ்டெபிலைசேஷன் உடன் முதன்மை சென்சாராக செயல்படுகிறது. இதனுடன் 8 மெகாபிக்சல் அல்ட்ரா வைட் லென்ஸ், 2 மெகாபிக்சல் மேக்ரோ லென்ஸ் ஆகியவை கொண்ட டிரிப்பிள் கேமரா அமைப்பைப் பின்பக்கத்தில் கொண்டுள்ளது. இந்த கேமரா உதவியுடன் 4k தரத்திலான வீடியோக்களை பதிவு செய்ய முடியும். செல்பி, வீடியோ அழைப்புகளுக்காக 16 மெகாபிக்சல் கேமரா வழங்கப்பட்டுள்ளது.
iPhone-ஐ மிஞ்சும் கேமரா… Oppo Find X5 Pro 5G போனில் எல்லாமே ஸ்பெஷல் தான்!
ஒன்பிளஸ் கேமராவை பொருத்தவரை, பின்பக்கத்தில் டிரிப்பிள் கேமரா அமைப்பு கொடுக்கப்பட்டுள்ளது. அதில் முதன்மை சென்சாராக 64 மெகாபிக்சல் EIS கேமராவும், இரண்டாவதாக 8 மெகாபிக்சல் அல்ட்ரா வைட் கேமராவும், கடைசியாக 2 மெகாபிக்சல் மேக்ரோ சென்சாரும் இந்த OnePlus Nord CE 2 5G போனில் வழங்கப்பட்டுள்ளது. இந்த கேமரா உதவியுடன் 4K தரத்திலான வீடியோக்களை எடுக்க முடியும் என நிறுவனம் விளம்பரப்படுத்தி வருகிறது.
செல்பி கேமராவுக்காக ஒன்பிளஸ் ஸ்மார்ட்போனில் 16 மெகாபிக்சல் EIS ஆதரவு கொண்ட சென்சார் வழங்கப்பட்டுள்ளது. ஆனால் ரியல்மி போனில் ஆப்டிகல் இமேஜ் ஸ்டெபிலைசேஷன் ஆதரவு இருப்பது கூடுதல் அம்சமாகப் பார்க்கப்படுகிறது. தெளிவான படங்களை எடுக்க இந்த OIS தொழில்நுட்பம் பெரும் உதவியாக இருக்கும் என்பதால், கேமாரா விஷயத்தில் ரியல்மி முன்னிலை வகிக்கிறது.
Oneplus Nord CE 2 5g vs Realme 9 Pro Plus battery backup comparison
பேட்டரி திறனைப் பொருத்தவரை ரியல்மி போனில் 4500 mAh திறனுடன், 60W சூப்பர் டார்ட் சார்ஜிங் ஆதரவு கொடுக்கப்பட்டுள்ளது. OnePlus Nord CE 2 5G ஸ்மார்ட்போனின் இரட்டை செல், அதாவது 2,250mAh கொண்ட இரண்டு செல்களை இணைத்து 4,500mAh பேட்டரி திறன் கொண்டு சக்தியூட்டப்படுகிறது. இதனை ஊக்குவிக்க 65W சூப்பர் வூக் (SUPERVOOC) சார்ஜிங் வசதி கொடுக்கப்பட்டுள்ளது.
Xiaomi வாடிக்கையாளர்களுக்கு நற்செய்தி – Redmi Note 11 Pro போனின் வெளியீட்டு தேதி அறிவிப்பு!
இரண்டு ஸ்மார்ட்போனிலும் லேட்டஸ்ட் டைப்-சி சார்ஜிங் போர்ட் கொடுக்கப்பட்டுள்ளது. 6ஜிபி ரேம், 8ஜிபி ரேம் உடன் 128ஜிபி ஸ்டோரேஜ் மெமரி கொண்டு இரு வேரியண்டுகளில் ஒன்பிளஸ் ஸ்மார்ட்போன் விற்பனைக்கு கொண்டு வரப்பட்டுள்ளது. ரியல்மி போனானது, 6ஜிபி + 128ஜிபி, 8ஜிபி + 128ஜிபி, 8ஜிபி + 256ஜிபி என மூன்று வேரியண்டுகளில் விற்பனை செய்யப்படுகிறது.
Oneplus Nord CE 2 5g vs Realme 9 Pro Plus other features comparison
அக்செலெரோமீட்டர், சுற்றுப்புற ஒளி, திசைகாட்டி, ப்ராக்ஸிமிட்டி, கைரோஸ்கோப் ஆகிய சென்சார்கள் இந்த ஸ்மார்ட்போனில் கூடுதல் அம்சமாகப் பார்க்கப்படுகிறது. வைஃபை (5GHz), ப்ளூடூத் 5.2, ஜிபிஎஸ், ஓடிஜி, எப்.எம், 3.5mm ஜாக் ஆகிய இணைப்பு ஆதரவுகளையும் இந்த ஸ்மார்ட்போன்கள் பெறுகிறது.
Best Buy Link:
ஒன்பிளஸ் நார்ட் சிஇ 2 5ஜி ஆஃபர் விலை
ஒன்பிளஸ் போனில் சூப்பர் லீனியார் ஸ்பீக்கர்களும், ரியல்மி போனில் ஸ்டீரியோ டால்பி அட்மாஸ் ஸ்பீக்கர்களும் கொடுக்கப்பட்டுள்ளது. முக்கியமாக NFC சென்சாரும் இந்த ஸ்மார்ட்போன்களில் உள்ளது.
Oneplus Nord CE 2 5g vs Realme 9 Pro Plus price comparison
ரியல்மி 9 ப்ரோ பிளஸ் ஸ்மார்ட்போன் Sunrise Blue, Aurora Green, Midnight Black ஆகிய மூன்று வண்ணத் தேர்வுகளில் கிடைக்கிறது. இதன் 6ஜிபி ரேம் + 128ஜிபி மெமரி வேரியண்டின் விலை ரூ.24,949 ஆகவும், 8ஜிபி ரேம் + 128ஜிபி மெமரி வேரியண்டின் விலை ரூ.26,949 ஆகவும், 8ஜிபி ரேம் + 256ஜிபி மெமரி வேரியண்டின் விலை ரூ.28,949 ஆகவும் உள்ளது.
Best buy link:
ரியல்மி 9 ப்ரோ பிளஸ் ஆஃபர் விலை
Gray Mirror, Bahama Blue ஆகிய இரண்டு வண்ணத் தேர்வுகளில் ஒன்பிளஸ் நார்ட் சிஇ 2 5ஜி ஸ்மார்ட்போன் விற்பனைக்குக் கொண்டுவரப்பட்டுள்ளது. இதன் 6ஜிபி ரேம் + 128ஜிபி மெமரி வேரியண்டின் விலை ரூ.23,999 ஆக உள்ளது. முறையே 8ஜிபி ரேம் + 128ஜிபி மெமரி வேரியண்டின் விலை ரூ.24,999 ஆக உள்ளது. பிப்ரவரி 22, 2022 முதல் OnePlus Nord CE 2 5G ஸ்மார்ட்போனின் விற்பனை Amazon India ஷாப்பிங் தளத்தில் தொடங்க உள்ளது.
இதில் எந்த போன் சிறந்தது
ஒன்பிளஸ், ரியல்மி ஆகிய இரண்டு போன்களிலும் பல சிறப்பம்சங்கள் கொட்டிக் கிடக்கிறது. எனினும், புராசஸர், கேமரா ஆகியவற்றை வைத்து பார்க்கும் போது, ரியல்மி 9 ப்ரோ பிளஸ் ஸ்மார்ட்போன், ஒன்பிளஸ் நார்ட் சிஇ 2 5ஜி போனை விட சற்று முன்னிலை வகிக்கிறது. பயன்படுத்த எளிமை, இலகுவான மென்பொருள் தேவைப்படுபவர்கள் ஒன்பிளஸ் ஸ்மார்ட்போனை தேர்வு செய்யலாம்.
Read more:
50MP சோனி OIS கேமரா… வெளியானது Realme 9 Pro Plus 5G சூப்பர் கேமரா மொபைல்! OnePlus Nord CE 2 5G போன் வெளியீடு – அப்டியென்ன பெருசா இந்த ஒன்பிளஸ் போன்ல இருக்கு!