உக்ரைன்
மீது இரண்டாவது நாளாக ரஷ்ய படைகள் தாக்குதல் நடத்தி வருகின்றன. உக்ரைனில் உள்ள விமான தளங்கள், ராணுவ சொத்துக்கள் மீதே குறிவைத்துள்ளோம்; அதிக மக்கள் உள்ள பகுதிகள் எங்கள் இலக்கு அல்ல என ரஷ்ய ராணுவம் தெரிவித்துள்ளது. ஆனால், ரஷ்ய தாக்குதலால் நூற்றுக்கணக்கான மக்கள் உயிரிழந்துள்ளதாக உக்ரைன் வெளியுறவுத்துறை தெரிவித்துள்ளது. ரஷ்யாவுக்கு அடிபணிய மாட்டோம் எனவும், மக்கள் யாரும் பதற்றமடையத் தேவையில்லை எனவும் உக்ரைன் அதிபர் தெரிவித்துள்ளார்.
அதேசமயம், உக்ரைன் நாட்டின் கீவ் உள்ளிட்ட முக்கிய நகரங்கள் மீது
ரஷ்யா
பல்முனை தாக்குதலை நடத்தி வருகிறது. கடல், வான், தரை ஆகிய வழிகளில் ரஷ்ய ராணுவம் தாக்குதல் நடத்தி வருகிறது. நவீன போர் விமானங்கள், பீரங்கிகள், ஏவுகணைகள் மூலம் ரஷ்யா அதிரடி தாக்குதலை நடத்தி வருகிறது. மேலும், சைபர் தாக்குதலையும் உக்ரைன் மீது ரஷ்யா நடத்தியுள்ளது. அந்நாட்டு அரசின் முக்கிய இணையதளங்களை ரஷ்யா ஹேக் செய்துள்ளது.
உக்ரைனின் லுஹான்ஸ்க் பிராந்தியத்தில் உள்ள 2க்கும் மேற்பட்ட நகரங்களை ரஷ்ய ராணுவம் கைப்பற்றியுள்ளதாக தகவல் வெளியாகியுள்ளது. மேலும், ரஷ்ய படைகள் வேகமாக முன்னேறி வருவதாக அங்கிருந்து வரும் தகவல்கள் தெரிவிக்கின்றன. உக்ரைன் தலைநகர் கீவ்-யை சுற்று வளைத்து ரஷ்யா தாக்குதல் நடத்தி வருவதாக கூறப்படுகிறது.
கை நிறைய அணு ஆயுதம்.. பணத்துக்கு பிச்சை எடுக்கும் பாகிஸ்தான்.. விளாசும் மக்கள்!
இந்த நிலையில்,
உக்ரைன் லிவீவ்
நகரத்தில் ரஷ்ய படைகள்
வான்வழி தாக்குதல்
நடத்த வாய்ப்புள்ளதாக எச்சரிக்கை விடுக்கப்பட்டுள்ளது. ஒலிபெருக்கி மூலமாக மக்களுக்கு ஏர் சைரன் எச்சரிக்கை விடுக்கப்பட்டுள்ளது. பாதாள அறைகள் உள்ளிட்ட பாதுகாப்பான இடங்களுக்கு மக்கள் செல்லவும் அறிவுறுத்தப்பட்டுள்ளது.