உக்ரைன் நாட்டு மீதான போரை ரஷ்யா குறைப்பதாக தெரியவில்லை. ஆங்காங்கே சற்று நிதானம் காப்பது போல தெரிந்தாலும் திட்டமிட்டு உக்ரைன் சுற்றி வளைத்து அபகரித்துக் கொண்டிருக்கிறது
ரஷ்ய ராணுவம்
.
மிக மிக தெளிவாக திட்டம் போட்டு படு சாதுரியமாக காய் நகர்த்தி வருகிறது ரஷ்யா. உலக நாடுகளின் கண்டனங்களும், பொருளாதார தடைகளும், மிரட்டல்களும், கோரிக்கைகளும் அதன் காதில் விழவில்லை. மாறாக தனது திட்டத்தை மிக நேர்த்தியாக அது செயல்படுத்தி வருகிறது.
தற்போது சில பகுதிகளில் ரஷ்யா அதி தீவிர தாக்குதலை மேற்கொண்டு வருகிறது. அங்கெல்லாம் உக்ரைன் ராணுவம் பலவீனமாக உள்ளதால் இது சாத்தியமாகியுள்ளது. அதேசமயம், சில பகுதிகளில் உக்ரைன் ராணுவம் கடுமையாக பதிலடி கொடுத்து வருகிறது. இதனால் அங்கெல்லாம் ரஷ்ய ராணுவம் சற்று நிதானம் காட்டுகிறது. கூடுதல் படையினருக்காக காத்திருக்கிறது.
6வது நாள் போர் நிலவரப்படி
கீவ்
நகரில் உக்ரைன் ராணுவம் மிக உறுதியான தற்காப்பை வெளிப்படுத்தி வருகிறது. இதனால் கீவ் நகருக்குள் வேகமாக நுழைய முடியாத நிலையில் ரஷ்ய ராணுவம் உள்ளது. கூடுதல் படையினரை அனுப்புமாறு அது கோரியுள்ளது. அது வரும் வரை நிதானம் காக்க ரஷ்ய ராணுவம் தீர்மானித்துள்ளது. அதேசமயம், விரைவிலேயே அவர்கள் அதி தீவிர தாக்குதலில் குதிக்கலாம் என்று எதிர்பார்க்கப்படுகிறது.
அங்கே “டமால் டுமீல்”.. இங்கே “டும் டும் டும்”.. உக்ரைன் பெண்ணை மணந்த ஹைதராபாத் பையன்!
வட மேற்கில் உள்ள கர்கீவ் நகரில் ரஷ்யா தனது தாக்குதலை வேகப்படுத்தியுள்ளது. இதுதான் உக்ரைனின் 2வது பெரிய நகராகும். இங்கு கடந்த 48 மணி நேரத்தில் தாக்குதலை அதிகரித்துள்ளது ரஷ்யா. டியூப் வெடிகுண்டுகள் மற்றும் ராக்கெட் தாக்குதலை ரஷ்யா மேற்கொண்டு வருகிறது. இதனால் உயிர்ப்பலி அதிகரித்துள்ளதாக தகவல்கள் கூறுகின்றன. கர்கீவ் நகரில் மட்டும் இதுவரை 12க்கும் மேற்பட்டோர் பலியாகியுள்ளதாக தகவல்கள் கூறுகின்றன. ஆனால் உயிர்ப்பலி மேலும் அதிகரிக்கும் வாய்ப்புகளே அதிகம்.
தெற்கு உக்ரைனிலும் ரஷ்யப் படைகள் சற்று நிதானம் காட்டுகின்றன. ஆனால் உக்ரைன் ராணுவம் இங்கு பலவீனமாகத்தான் உள்ளது. ஒட்டுமொத்தமாக இறங்கி அடிக்கும் திட்டத்துடன் ரஷ்யா நிதானம் காட்டுவதாக சொல்லப்படுகிறது. அதாவது அடித்தால் அடித்த வேகத்தில் அந்தப் பகுதியே தன் வசமாகி விட வேண்டும். அப்படிப்பட்ட தாக்குதலுக்காக இங்கு ரஷ்யப் படைகள் நிதானம் காட்டுவதாக சொல்கிறார்கள்.
தெற்கில் உள்ள மரியுபோல் மற்றும் கிழக்கில் உள்ள ஜபோரிஸியா ஆகிய இரு நகரங்களையும் கைப்பற்றும் நோக்கில் இங்கு ரஷ்யப் படைகள் ஸ்கெட்ச் போட்டு செயல்படுகின்றன.
இதற்கிடையே, பிரிவினைவாதிகளின் கைவசம் உள்ள டோனட்ஸ்க் பகுதியில் சரமாரி “ஷெல்லிங்” நடந்துள்ளது. இதில் பல கட்டடங்கள் தீப்பிடித்து எரிந்துள்ளன. கார்கள் நாசமாகியுள்ளன. இந்த நகரின் பல பகுதிகளில் குண்டு வீச்சும் நடந்திருப்பதால் மின் சப்ளை துண்டிக்கப்பட்டுள்ளது. இதனால் இந்த நகரில் வசிக்கும் மக்கள் பெரும் பீதியடைந்துள்ளனர். போர் எப்போது நிற்கும் என்ற வேதனையில் அவர்கள் உள்ளனர்.