தேர்தல் பணியில் ஈடுபட்ட அரசு ஊழியர்களுக்கு சிறப்பு ஊதியம் விரைவில் வழங்கப்பட உள்ளது.
பஞ்சாப்
மாநிலத்தில், மொத்தம் உள்ள 117 சட்டப்பேரவைத் தொகுதிகளுக்கு, கடந்த பிப்ரவரி மாதம் 20 ஆம் தேதி ஒரே கட்டமாக வாக்குப்பதிவு நடைபெற்றது. இந்தத் தேர்தலில்,
அரசு ஊழியர்கள்
, அரசு ஆசிரியர்கள் தேர்தல் பணிகளில் ஈடுபடுத்தப்பட்டனர். பொதுவாக, தேர்தல் பணியில் ஈடுபடுத்தப்படும் அரசு ஊழியர்களுக்கு சிறப்பு ஊதியம் வழங்கப்படும்.
இந்நிலையில், பஞ்சாப் மாநிலம் லூதியானா மாவட்டம் உள்ளிட்ட ஒருசில மாவட்டங்களில் தேர்தல் பணிகளில் ஈடுபட்ட அரசு ஊழியர்களுக்கு இதுவரை சிறப்பு ஊதியம் வழங்கப்படவில்லை எனக் கூறப்படுகிறது. இது தொடர்பாக தேர்தல் பணிகளில் ஈடுபட்ட அரசு ஊழியர்கள் கூறியதாவது:
லூதியானா கிழக்குத் தொகுதியில் நியமிக்கப்பட்ட தலைமை அலுவலர்களுக்கு இதுவரை சிறப்பு ஊதியம் வழங்கப்படவில்லை. மற்றத் தொகுதிகளில் தேர்தல் பணிகளில் ஈடுபட்ட அரசு ஊழியர்களுக்கு வாக்குப்பதிவு நடைபெற்ற 20 ஆம் தேதி அன்றே சிறப்பு ஊதியம் வழங்கப்பட்டு விட்டது. இந்த வாரத்திற்குள் சிறப்பு ஊதியம் வந்து விடும் என தகவல் தெரிவிக்கப்பட்டு உள்ளது.
இவ்வாறு அவர்கள் கூறினர்.
பஞ்சாப் மாநில சட்டப்பேரவைத் தேர்தல் பணிகளில் ஈடுபட்ட தேர்தல் தலைமை அதிகாரிகளுக்கு 2,400 ரூபாய், ஏபிஆர்ஓ மற்றும் வாக்குச்சாவடி அலுவலர்களுக்கு 1,800 ரூபாய்; தேர்தல் நுண் பார்வையாளர்கள் மற்றும் மேற்பார்வையாளர்களுக்கு முறையே 1,150 ரூபாய் மற்றும் 1,500 ரூபாய் சிறப்பு ஊதியம் நிர்ணயம் செய்யப்பட்டிருந்தது குறிப்பிடத்தக்கது.