கோவா,
8-வது இந்தியன் சூப்பர் லீக் கால்பந்து போட்டி (ஐ.எஸ்.எல்.) கோவாவில் நடந்து வருகிறது. கொரோனா தடுப்பு விதிமுறைகளை பின்பற்றி கோவாவில் உள்ள 3 மைதானங்களில் ரசிகர்கள் இன்றி நடைபெறும் இந்த போட்டிகள் மார்ச் மாதம் வரை நடைபெற உள்ளது.
இந்த தொடரில் இன்று நடைபெற்ற ஆட்டத்தில் ஐதராபாத் – ஜாம்ஷெட்பூர் அணிகள் மோதின.போட்டியின் ஆரம்பம் முதலே ஆதிக்கம் செலுத்திய ஜாம்ஷெட்பூர் அணி வீரர்கள் கோல் மழை பொழிந்தனர்.
அந்த அணியின் பீட்டர் ஹார்ட்லி போட்டியின் 28-வது நிமிடத்தில் அந்த அணியின் கோல் அடித்தார். அவரை தொடர்ந்து டேனியல் சீமா மற்றும் ரஹ்மான் தலா ஒரு கோல் அடிக்க 3-0 என்ற கணக்கில் ஜாம்ஷெட்பூர் அணி வெற்றி பெற்றது.