கடந்த 2003 ஆம் ஆண்டு பிரபல தயாரிப்பாளர் ஜிவி என்கிற ஜி.வெங்கடேஸ்வரன் கடன் தொல்லையால் தற்கொலை செய்து கொண்டார். இந்த சம்பவம் இந்திய சினிமா உலகினருக்கு பேரதிர்ச்சியாக அமைந்தது. இந்நிலையில் கடைசி நேரத்தில் அவருக்கு மணிரத்தினம், ரஜினிஉள்பட யாருமே உதவி செய்யவில்லை என்று சில தினங்கள் முன் நடந்த சினிமா நிகழ்ச்சி ஒன்றில் பிரபல தயாரிப்பாளர்
கே.டி. குஞ்சுமோன்
குற்றம்சாட்டியுள்ளார்.
ஜி.வெங்கடேஸ்வனின் தந்தை கோபால ரத்தினமும் ஒரு தயாரிப்பாளர். ஜிவியின் தம்பிதான் இயக்குனர்
மணிரத்னம்
. ஜி.வி. 1986 இல் மௌன ராகம் படத்தை தயாரித்தார். தனது மனைவி சுஜாதாவின் பெயரில் சுஜாதா பிலிம்ஸ் என்ற நிறுவனத்தை தொடங்கி இந்தப் படத்தை தயாரித்தார். படம் மிகப்பெரிய வெற்றியடைந்தது. சுஜாதா பிலிம்ஸ் தயாரித்த அடுத்தப்படம் மணிரத்தினம் இயக்கிய அக்னி நட்சத்திரம். இந்தப்படமும் மெஹா ஹிட்டடித்தது.
இந்நிலையில் ‘
கடலை போட பொண்ணு வேணும்
‘ படத்தின் இசை வெளியீட்டு விழாவில் கலந்து கொண்ட கே.டி. குஞ்சுமோன், தயாரிப்பாளர் ஜிவி பற்றி பேசினார். அதில், கமல்ஹாசன் இயக்கிய நாயகன் படத்தை முதலில் நான் விநியோகம் செய்ய மாட்டேன் என சொன்னேன். ஏன் என்றால், விநியோகஸ்தருக்கும், திரையரங்க உரிமையாளர்களுக்கும் பணம் வராது என்பதால், நான் அந்த படத்தை பண்ண மாட்டேன் என்றேன். ஆனால், மணிரத்னத்தின் அண்ணன் ஜீ.வி அந்த படத்தை பண்ண வேண்டும் என என்னிடம் வேண்டி கேட்டுக்கொண்டார்.
ஜிவி எனக்கு காட் பாஃதர் போன்றவர் என்பதால் அவருக்காக நாயகன் படத்தை பண்ணினேன். நாயகன் படம் எனக்கு லாபத்தை பெற்றுத்தரவில்லை. இந்த நேரத்தில் எனக்கு மட்டுமே தெரிந்த ஒரு விஷயத்தை நான் சொல்லியே ஆக வேண்டும். இயக்குநர் மணிரத்னத்தின் உடன் பிறந்த அண்ணன், தயாரிப்பாளர் ஜி.வெங்கடேஷ்வரன் திரைப்படத் தயாரிப்புத் தொழிலில் நஷ்டம் ஏற்பட்டு பலரிடமும் கடன் வாங்கி மனமுடைந்து தற்கொலை செய்து கொண்டார்.
‘சர்கார்’ பாணியில் அரசியல் படமா ‘தளபதி 66’ ..?: இயக்குனர் வெளியிட்ட லேட்டஸ்ட் தகவல்..!
என்னுடைய நெருங்கிய நண்பர் என்பதால், பல முறை என்னிடம் மனம் நொந்து பேசுவார். துப்பாக்கியை கொடு நான் தற்கொலை செய்து கொள்ள போகிறேன் என்று கூறுவார். நான் பல முறை அவரை சமாதானப்படுத்தி இருக்கிறேன். திடீரென ஒரு நாள் தற்கொலை செய்து கொண்டார். அந்த அதிர்ச்சியிலிருந்து நீண்டநாள் என்னால் விடுபடமுடியவில்லை.
ஜிவி நஷ்டமடைந்து மன அழுத்தத்தில் இருந்த போது மணிரத்னமோ, ரஜினியோ யாரும் அவருக்கு உதவ முன்வரவில்லை. இந்த நிலை தான் இங்கு நிலவுகிறது. தயாரிப்பாளர் இல்லை என்றால் சினிமா இல்லை. இயக்குநர்கள், நடிகர்கள் இல்லை, தமிழ் மக்கள் தான் என்னை வாழவைத்தார்கள் இவ்வாறு பேசியுள்ளார் கே.டி. குஞ்சுமோன்.
வலிமை விமர்சனம்; அஜித் ரசிகர்களின் அட்டகாசம்!