நேர்கொண்ட பார்வை படத்தின் வெற்றிக்கு பிறகு இரண்டாவது முறையாக
எச் வினோத்
இயக்கத்தில் ‘
வலிமை
‘ படத்தில் நடித்துள்ளார் அஜித். இந்தப்படத்தின் ரிலீசுக்காக வெறித்தனமாக காத்திருந்தனர் ரசிகர்கள். இந்நிலையில் கடந்த பிப்ரவரி 24 ஆம் தேதி வெளியாகியுள்ள ‘வலிமை’ படம் ரசிகர்கள் மத்தியில் அமோக வரவேற்பினை பெற்று வருகிறது.
‘வலிமை’ படத்தில் அஜித்திற்கு ஜோடியாக பாலிவுட் நடிகை ஹூமா குரேஷி நடித்துள்ளார்.
போனி கபூர்
தயாரித்துள்ள இந்த படத்திற்கு யுவன்சங்கர் ராஜா இசையமைத்துள்ளார். அஜித் ரசிகர்களின் வெறித்தனமான காத்திருப்பிற்கு பின்னர் தமிழ், தெலுங்கு, இந்தி, கன்னடம் என 4 மொழிகளில் ‘வலிமை’ படம் வெளியாகி உள்ளது.
கடந்த வியாழக்கிழமை வெளியான ‘வலிமை’ ரிலீசை திருவிழா போல் கொண்டாடினர் ரசிகர்கள். மேளதாளம், கட்டவுட்டுக்கு பாலாபிஷேகம் செய்வது உள்ளிட்ட செயல்களில் ஈடுபட்டனர். திரையிட்ட இடங்களில் எல்லாம் வரவேற்பையும் பெற்று வருகிறது ‘வலிமை’. மேலும் பாக்ஸ் ஆபிஸிலும் வசூல் சாதனை படைத்து வருகிறது இந்தப்படம்.
உங்களை நம்புனா வேலைக்கே ஆகாது: சூர்யாவை கழட்டிவிடும் பிரபல இயக்குனர்..!
படத்திற்கு வந்த ஏகப்பட்ட நெகட்டிவ் விமர்சனங்களை ரசிகர்களின் கூட்டம் திரையரங்களில் அலை மோதுகிறது. படம் வெளியான 9 நாட்களில் ரூபாய் 200 கோடி வசூலை நெருங்கி விட்டதாக தகவல்கள் வெளியாகியுள்ளன. இந்தியாவில் மட்டுமல்லாமல் வெளிநாடுகளிலும் ‘வலிமை’ பட வசூல் சாதனை புரிந்து வருவது குறிப்பிடத்தக்கது.
‘வலிமை’ கூட்டணி மூன்றாவது முறையாக ‘
ஏகே 61
’ படத்தில் இணைய உள்ளது. இதன் முதல்கட்ட படப்பிடிப்பு ஹைதராபாத்தில் அடுத்த மாதம் துவங்க உள்ளதாக தகவல்கள் வெளியாகியுள்ளன. இந்தப்படத்தில் அஜித் ஜோடியாக தபுவும், மோகன்லால் முக்கிய கதாபாத்திரத்தில் நடிக்கவுள்ளதாகவும் செய்திகள் வெளியானது குறிப்பிடத்தக்கது.
“வலிமை” யான வசூல் வேட்டை; படக்குழுவினர் ஹேப்பி !