நீ இல்லையேல் ஈர்ப்புமில்லை; காப்புமில்லை… வைரமுத்து மகளிர் தின வாழ்த்து!

உலக
மகளிர் தினம்
ஆண்டு தோறும் மார்ச் 8ஆம் தேதி கொண்டாடப்பட்டு வருகிறது. இன்று மகளிர் தினத்தை முன்னிட்டு அரசியல் கட்சி தலைவர்கள் பிரபலங்கள் என பலரும் மகளிர் தின வாழ்த்து தெரிவித்து வருகின்றனர்.

அந்த வகையில் கவிஞர் வைரமுத்துவும் மகளிர் தின வாழ்த்து தெரிவித்துள்ளார். இதுதொடர்பாக டிவிட்டர் பக்கத்தில் அவர் பதிவிட்டிருப்பதாவது,

கடவுளாக்கி

ஒதுக்குவதுமில்லை

அடிமையாக்கி

அடக்குவதுமில்லை

சில நேரங்களில்

ஆணினும் மேலானவள்

மற்றபடி நிகரானவள்

உன் தியாகத்தை –

திண்மையை –

கற்றுக்கொள்ளாமலே

கழிகிறது ஆண்கூட்டம்

நீ இல்லையேல்

ஈர்ப்புமில்லை;

காப்புமில்லை

எப்போதும்போல்

மகளிர் தினத்திலும்

மதிக்கிறேன் பெண்ணே!

#WomensDay இவ்வாறு
வைரமுத்து
மகளிர் தின வாழ்த்தை பதிவு செய்துள்ளார்.