மாஸ்கோ இன்று உக்ரைனில் ஒரு புதிய மனிதாபிமான போர்நிறுத்தத்தை அறிவித்துள்ளது.
உக்ரைனில் பொதுமக்களை வெளியேற்றுவதற்காக, மாஸ்கோ நேரப்படி காலை 10 மணி முதல் (0700 GMT) தனது படைகள் துப்பாக்கிச் சூடு நிறுத்தப்படும் என்று ரஷ்யா கூறியுள்ளது.
ரஷ்யாவின் படையெடுப்பிற்குப் பிறகு திறக்கப்பட்ட முதல் வெற்றிகரமான “மனிதாபிமான தாழ்வாரத்தில்” நேற்று சுமி (Sumy) நகரத்திலிருந்து பொதுமக்கள் வெளியேறியதை அடுத்து இன்று நான்காவது முறையாக போர்நிறுத்தம் அறிவித்துள்ளது.
செர்னிஹிவ், சுமி, கார்கிவ், மரியுபோல் மற்றும் சபோரிஜியா ஆகிய இடங்களிலிருந்து தாழ்வாரங்களை வழங்கத் தயாராக இருப்பதாக ரஷ்யா தெரிவித்துள்ளது.
செவ்வாய்க்கிழமை வரை இதுவரை சுமார் 2 மில்லியன் மக்கள் உக்ரைனில் இருந்து வெளியேறியுள்ளனர்.
திங்கட்கிழமை சுமி நகரத்தின் மீது ரஷ்யா வான்வழித் தாக்குதல் நடத்தியதில் இரண்டு குழந்தைகள் உட்பட 21 பேர் கொல்லப்பட்டனர். இதற்கு, உக்ரைனின் முதல் பெண்மணி ஒலெனா ஜெலென்ஸ்கா உலக ஊடகங்களுக்கு நேற்று ஒரு திறந்த கடிதத்தில் ரஷ்ய படையெடுப்புக்கு கண்டனம் தெரிவித்தார்.
அமெரிக்க ஜனாதிபதி ஜோ பைடன், ரஷ்யாவிற்கு எதிராக அமுல்படுத்தப்பட்ட பொருளாதார தடைகளின் தொகுப்பை “வரலாற்றில் மிகவும் முக்கியத்துவம் வாய்ந்தது” என்று குறிப்பிட்டார், மேலும் இது ரஷ்ய பொருளாதாரத்திற்கு சேதத்தை ஏற்படுத்தியுள்ளது என்று கூறினார்.
Starbucks, Coca-Cola மற்றும் PepsiCo ஆகியவை ரஷ்ய படையெடுப்பின் அதிகரித்து வரும் இறப்பு எண்ணிக்கையை குறிப்பிட்டு, உக்ரைனில் வணிகத்தை நிறுத்த அல்லது கட்டுப்படுத்த முடிவு செய்துள்ளன.
எண்ணெய் நிறுவனங்களான BP மற்றும் Shell ஆகியவை ரஷ்ய எண்ணெய் மற்றும் எரிவாயு கொள்முதலை உடனடியாக நிறுத்துவதாக அறிவித்தன. ஐரோப்பிய ஒன்றியம் எரிவாயு இறக்குமதியை மூன்றில் இரண்டு பங்கு குறைக்க திட்டமிட்டுள்ளது.
சீன ஜனாதிபதி ஜி ஜின்பிங் செவ்வாயன்று உக்ரைனில் நிலைமை கவலைக்கிடமாக இருப்பதாக விவரித்தார். அங்கு நிலைமை கட்டுப்பாட்டை மீறிச் செல்வதைத் தடுப்பதே முன்னுரிமை என்று சீன அரசு ஊடகம் தெரிவித்துள்ளது.