தனிப்பட்ட தரவுப் பாதுகாப்புச் சட்டமூலத்துக்கு அமைச்சு சார் ஆலோசனைக் குழுவில் அனுமதி

இந்த அமைச்சுசார் ஆலோசனைக் குழுவின் தலைவராக அதிமேதகு ஜனாதிபதி கோட்டாபய ராஜபக்ஷ காணப்படுகிறார்.

தனிப்பட்ட தரவைச் செய்முறைப்படுத்துவதனை ஒழுங்குபடுத்துவதற்காக ஏற்பாடு செய்வதற்கும், தனிப்பட்ட தரவைப் பாதுகாத்தல் தொடர்பாகத் தரவுடன் தொடர்புபட்டோரின் உரிமைகளை அடையாளங்காண்பதற்கும் பலப்படுத்துவதற்கும்; தரவுப் பாதுகாப்பு அதிகாரசபையைப் பெயர் குறிப்பதற்கு ஏற்பாடு செய்வதற்கும்; அத்துடன் அவற்றோடு தொடர்புபட்ட அல்லது அவற்றின் இடைநேர்விளைவான கருமங்களுக்காக ஏற்பாடுசெய்வதற்குமானதொரு சட்டமூலமாக இது அமையும்.

இந்த அமைச்சுசார் ஆலோசனைக் குழுக் கூட்டத்தில் இராஜாங்க அமைச்சர்களான கௌரவ. பிரசன்ன ரணவீர, கௌரவ. ஜானக வக்கும்புர, கௌரவ தேனுக விதானகமகே மற்றும் பாராளுமன்ற உறுப்பினர்களான கௌரவ. மயந்த திஸாநாயக, கௌரவ. யதாமினி குணவர்தன, கௌரவ. அரவிந்த குமார், கௌரவ. கலாநிதி திலக் ராஜபக்க்ஷ, கௌரவ. வீரசுமன வீரசிங்ஹ ஆகியோர் கலந்துகொண்டனர்.