ரியல்மி நிறுவனம், Realme 9 சீரிஸ் ஸ்மார்ட்போன்களை இன்று (மார்ச் 10) இந்திய பயனர்களுக்காக அறிமுகம் செய்தது. சமீபத்தில் நிறுவனம் ரியல்மி 9 ப்ரோ, ரியல்மி 9 ப்ரோ ப்ளஸ் ஆகிய ஸ்மார்ட்போன்கள் வெளியிடப்பட்டது. அதனைத் தொடர்ந்து 9 சீரிஸில் குறைந்த விலை ஸ்மார்ட்போன்கள் தற்போது வெளியிடப்பட்டுள்ளது.
பிளிப்கார்ட் ஷாப்பிங் தளத்தில் புதிய ரியல்மி ஸ்மார்ட்போன்கள் விற்பனை செய்யப்படுகிறது. ரியல்மி 9 5ஜி எஸ்இ உடன் சேர்த்து மூன்று ஸ்மார்ட்போன்கள் வெளியாகும் என எதிர்பார்த்திருந்த வேளையில், ரியல்மி 9 5ஜி, ரியல்மி 9 5ஜி எஸ் இ ஆகிய இரு போன்கள் மட்டுமே அறிமுகம் செய்யப்பட்டுள்ளது.
மார்ச் 14ஆம் தேதி விற்பனைக்குக் வரும் இந்த ஸ்மார்ட்போனை வாங்கும் முன்னர், இதன் அம்சங்கள் மற்றும் செயல்திறன் குறித்து அறிந்துகொள்ளலாம். ரியல்மி SE போனைப் பொருத்தவரை 144Hz ரெப்ரெஷ் ரேட் டிஸ்ப்ளேம் ஸ்னாப்டிராகன் 778ஜி புராசஸர், 5000mAh பேட்டரி போன்ற மேம்பட்ட அம்சங்கள் கொடுக்கப்பட்டுள்ளது.
Apple இப்படி செஞ்சிருக்கக் கூடாது – பயனர்கள் விரும்பிய iPhone SE-ஆ இது!
ரியல்மி 9 5ஜி எஸ்இ அம்சங்கள் (Realme 9 5G SE Features)
ரியல்மி 9 எஸ்இ போனில் 6.6″ அங்குல முழு அளவு எச்டி+ எல்சிடி டிஸ்ப்ளே கொடுக்கப்பட்டுள்ளது. 2412×1080 பிக்சல் திறன் கொண்ட இந்த டிஸ்ப்ளே, 144Hz ஹெர்ட்ஸ் ரெப்ரெஷ் ரேட் ஆதரவைப் பெற்றுள்ளது. 401ppi திரை அடர்த்தியை இந்த டிஸ்ப்ளே கொண்டுள்ளது. விலை கொஞ்சம் அதிகம் என்பதால், அமோலெட் டிஸ்ப்ளே கொடுத்திருக்கலாம்.
ஆண்ட்ராய்டு 11 இயங்குதளத்தில் கட்டமைக்கப்பட்ட ரியல்மி UI 2.0 ஸ்கின் மூலம் இந்த ஸ்மார்ட்போன் இயங்குகிறது. மிட் ரேஞ் ஸ்மார்ட்போன்களின் நாயகன் என்று கூறப்படும், குவால்காம் ஸ்னாப்டிராகன் 778G புராசஸர் இதில் கொடுக்கப்பட்டுள்ளது. அட்ரினோ 642L கிராபிக்ஸ் எஞ்சினும் கூடுதல் பலத்தைச் சேர்க்கிறது.
ரியல்மி 9 5ஜி எஸ்இ கேமரா (Realme 9 5G SE Camera)
பின்பக்கத்தில் மூன்று கேமராக்களைக் கொண்ட அமைப்பை ரியல்மி 9 எஸ்இ ஸ்மார்ட்போன் கொண்டுள்ளது. இதில் முதன்மை சென்சாராக Samsung 48 மெகாபிக்சல் f/1.8 அபெர்ச்சர் உடனும், 2 மெகாபிக்சல் பிளாக் அண்ட் வைட் சென்சார் f/2.4 அபெர்ச்சர் உடனும், 2 மெகாபிக்சல் மேக்ரோ சென்சார் f/2.4 அபெர்ச்சர் உடனும் இருக்கிறது.
செல்பி, வீடியோ அழைப்புகளுக்காக 16 மெகாபிக்சல் Sony IMX471, f/2.1 அபெர்ச்சர் கொண்ட கேமரா வழங்கப்பட்டுள்ளது. இதன் பின்பக்க கேமராவில் 4K தரத்திலான படங்களும், செல்பி கேமராவில் 1080p முழு அளவு எச்டி படங்களையும் பதிவு செய்ய முடியும்.
ரியல்மி 9 5ஜி எஸ்இ பேட்டரி (Realme 9 5G SE Battery)
ஸ்மார்ட்போனின் செயல்திறனை ஊக்குவிக்க 6ஜிபி, 8ஜிபி என இரு ரேம் தேர்வுகள் வழங்கப்பட்டுள்ளது. ஸ்டோரேஜ் மெமரியாக 128GB கொடுக்கப்படுகிறது. இதனை எஸ்டி கார்ட் ஆதரவு கொண்டு, 1TB வரை நாம் நீட்டிக்க முடியும்.
அவ்ளோ அழகுங்க இந்த SAMSUNG 5G போன் – ஸ்பெக்கும் டாப் டக்கர்!
புதிய ரியல்மி ஸ்மார்ட்போனை சக்தியூட்ட 5000mAh லித்தியம் பாலிமர் பேட்டரி வழங்கப்பட்டுள்ளது. இதனை ஊக்குவிக்க 30W டார்ட் சார்ஜர் போனுடன் கொடுக்கப்படுகிறது.
அக்செலெரோமீட்டர், சுற்றுப்புற ஒளி, திசைகாட்டி, ப்ராக்ஸிமிட்டி, கைரோஸ்கோப் ஆகிய சென்சார்கள் இந்த ஸ்மார்ட்போனில் கூடுதல் அம்சமாகப் பார்க்கப்படுகிறது. வைஃபை (5GHz), ப்ளூடூத் 5.1 ஜிபிஎஸ், ஓடிஜி, எப்.எம், 3.5mm ஜாக் ஆகிய இணைப்பு ஆதரவுகளையும் இந்த ரியல்மி போன் பெறுகிறது.
ரியல்மி 9 5ஜி எஸ்இ விலை (Realme 9 5G SE price in india)
Azure Glow, Starry Glow ஆகிய இரு நிறங்களில் இந்த ஸ்மார்ட்போன் விற்பனைக்குக் கொண்டுவரப்படுகிறது. இதன் 6ஜிபி ரேம் + 128 ஸ்டோரேஜ் மெமரி வேரியண்டின் விலை
ரூ.19,999
ஆகவும், 8ஜிபி ரேம் + 128 ஸ்டோரேஜ் மெமரி வேரியண்டின் விலை
ரூ.22,999
ஆகவும் பட்டியலிடப்பட்டுள்ளது.
பிளிப்கார்ட் ஷாப்பிங் தளத்தில் மார்ச் 14ஆம் தேதி Realme 9 SE 5G ஸ்மார்ட்போன் விற்பனைக்கு வருகிறது. Flipkart Axis Bank கிரெடிட் கார்டு வாடிக்கையாளர்களுக்குக் கூடுதலாக 5% விழுக்காடு தள்ளுபடி வழங்கப்படுகிறது.
Realme 9 5G SE Specifications
பெயர்ரியல்மி 9 5ஜி எஸ் இஅளவு164.4x 75.8 x 8.5 மில்லிமீட்டர்இயங்குதளம்ஆண்ட்ராய்டு 11 (ரியல்மி UI 2.0)புராசஸர்குவால்காம் ஸ்னாப்டிராகன் 778ஜி 5ஜி சிப்செட் + அட்ரினோ 642L கிராபிக்ஸ் எஞ்சின்திரை6.6″ அங்குல முழுஅளவு எச்டி+ ஐபிஎஸ் எல்சிடி தொடுதிரை, 144Hz ஹெர்ட்ஸ் ரிப்ரஷ் ரேட், 240Hz ஹெர்ட்ஸ் டச் சேம்பிளிங் ரேட்தெளிவுதிறன்2412*1080 பிக்சல்கள்பின்புற கேமரா42 மெகாபிக்சல் முதன்மை சென்சார் (f/1.9) + 2 மெகாபிக்சல் பிளாக் & வைட் சென்சார் (f/2.4)+ 2 மெகாபிக்சல் மேக்ரோ சென்சார் (f/2.4)முன்புற கேமரா16 மெகாபிக்சல் செல்பி (f/2.1)ஸ்லாட்இரண்டு 5ஜி நானே சிம் + ஒரு எஸ்டி கார்ட் (1TB வரை)ரேம்6ஜிபி, 8ஜிபிஸ்டோரேஜ்128ஜிபிஆதரவுவைஃபை (5GHz), ப்ளூடூத் 5.1, டைப்-சி, ஜிபிஎஸ், ஓடிஜி, எப்.எம், 3.5mm ஜாக்சென்சார்அக்செலெரோமீட்டர், சுற்றுப்புற ஒளி, திசைகாட்டி, கைரேகை, ப்ராக்ஸிமிட்டி, கைரோஸ்கோப்இடங்காட்டிஜிபிஎஸ், BEIDOU, GLONASS, GALILEO, QZSSபேட்டரி5000mAh / 30W டார்ட் சார்ஜிங் ஆதரவுநிறங்கள்அஸூர் க்ளோ, ஸ்டேரி க்ளோஎடை199 கிராம்விலை6ஜிபி + 128ஜிபி – ரூ.19,999 | 8ஜிபி + 128ஜிபி – ரூ.22,999
Read more:
Flipkart Sale: மக்களே; வெறும் ரூ.4,199க்கு சாம்சங் 5ஜி போன்பெரும் எதிர்பார்ப்பை கிளப்பியிருக்கும் ‘Nothing’ டீஸர்! Asus வெளியிட்ட கைக்கு அடக்கமான போன்…