புடினின் தற்போதைய ‘சிறப்பு இராணுவ நடவடிக்கை’ நெப்போலியனின் தோல்வியுற்ற வாட்டர்லூ பிரச்சாரத்தையும் ஹிட்லரின் பேரழிவுகரமான ஆபரேஷன் பார்பரோசாவையும் விசித்திரமாக எதிரொலிக்கிறது.
நெப்போலியனின் வாட்டர்லூ
ரஷ்ய அதிபரின் தற்போதைய நடவடிக்கைகள் அகண்ட ரஷ்யாவுக்கான லட்சியத்தை நோக்கிய போர் இது என்பது உலகமே அறிந்த ரகசியம்.
மரபுவழி மற்றும் அணு ஆயுதங்களைக் கொண்ட உலகின் சிறந்த ஆயுதக் களஞ்சியங்களில் ஒன்று புதினிடம் உள்ளது. ரஷ்யாவின் விமானப்படையின் வலிமை மட்டுமே உலகில் உள்ள எந்த எதிரி படையையும் எதிர்கொள்ள முடியும்,
மேலும் படிக்க | ரஷ்யா-உக்ரைன் மோதல்: மூன்றாம் உலகப் போரை நோக்கி உலகம் செல்கிறதா?
ஆனால் உக்ரைனுக்கு எதிரான வெளிப்படையான போரை அறிவித்தபோதிலும், ரஷ்ய ராணுவம் மூன்று வாரங்களாக கிய்வுக்கு வெளியே நிற்கிறது, இந்த படையெடுப்பு புடின் எதிர்பார்த்ததை விட நீடிக்கும் என்று எதிர்பார்க்கப்படுகிறது.
புடினின் தற்போதைய “சிறப்பு இராணுவ நடவடிக்கை” நெப்போலியனின் தோல்வியுற்ற வாட்டர்லூ படையெடுப்பை விசித்திரமாக எதிரொலிக்கிறது, ஐரோப்பாவில் ஒரு சிறந்த சக்தியாக இருந்தபோதிலும், ஐரோப்பாவில் உள்ள நேச நாட்டுப் படைகளால் பிரெஞ்சு ஜெனரல் முறியடிக்கப்பட்டார்.
உக்ரைன்: புடினின் ‘ஸ்டாலின்கிராட்’?
1941-43 ஆம் ஆண்டு இரண்டாம் உலகப் போரின் போது, ஜெர்மன் இராணுவம் ஸ்டாலினின் நகரத்தை கைப்பற்றுவதற்கான ஹிட்லரின் முயற்சியில் தோல்வியடைந்ததை நினைவுபடுத்தும் வகையில், கிவியை “ஸ்டாலின்கிராட்” ஆக மாற்றுவோம் என்று உக்ரேனியர்களே போரின் தொடக்கத்திலிருந்தே கூறினர்.
பிப்ரவரி 24 அன்று உக்ரைனுக்குள் அணிவகுத்துச் செல்லும்படி தனது படைகளுக்கு உத்தரவிட்டாலும், புடினின் இராணுவம் இன்னமும் கிய்வுக்கு வெளியே நிற்கிறது.
மேலும் படிக்க | உக்ரைன் குழந்தைகள் மருத்துவமனை மீது ரஷ்யாவின் தாக்குதல்
நெப்போலியனின் கிராண்டே ஆர்மி
நெப்போலியன் 18 ஆம் நூற்றாண்டின் முற்பகுதியில் மிகவும் சக்தி வாய்ந்த போர்த்தளபதியாக இருந்தார். குறிப்பாக ஆஸ்டர்லிட்ஸ் 1805 போரில் அவரது கிராண்டே ஆர்மி ஆஸ்திரிய மற்றும் ரஷ்ய படைகளை உயர்ந்த தந்திரோபாயங்கள் மற்றும் திட்டமிடல் மூலம் அழித்தது.
வாட்டர்லூ போர் (Waterloo battle) மூன்று படைகளைக் கொண்டிருந்தது – போனபார்ட் தலைமையிலான கிரேட் கிராண்டே ஆர்மி, பிரபல தந்திரவாதி ஆர்தர் வெல்லஸ்லி தலைமையிலான பிரிட்டிஷ் இராணுவம், வெலிங்டன் டியூக் மற்றும் அதன் கூட்டாளிகள் மற்றும் கெபார்ட் லெபரெக்ட் வான் ப்ளூச்சரின் கட்டளையின் கீழ் பிரஷ்யன் இராணுவம்.
கடைசி நேரத்தில் பிரஷ்ய இராணுவம் (Prussian Army) நுழைந்தபோது, அதுவரை நெப்போலியனின் கட்டுப்பாட்டில் இருந்த போரின் போக்கு திரும்பிவிட்டது.
எவ்வாறாயினும், நெப்போலியனின் நன்கு நிர்வகிக்கப்பட்ட இயந்திரத்திற்கு எதிராக வெலிங்டனின் படைகள் பீரங்கி மற்றும் காலாட்படை தாக்குதல்களைத் தாங்கும் வகையில் உறுதியாக இருந்தது என்பதை ஒரு நெருக்கமான ஆய்வு வெளிப்படுத்துகிறது.
வாட்டர்லூவில் பிரிட்டிஷ் இராணுவம் வழங்கிய உறுதியான பாதுகாப்பை நெப்போலியன் குறைத்து மதிப்பிட்டார்.
உக்ரேனியப் படைகள் தற்போது அதே வெலிங்டன் மனப்பான்மையைக் காட்டுகின்றன, தற்காப்பு என்பது உக்ரேனியர்களுக்கான சிறந்த தாக்குதலாகும்.
மேலும் படிக்க | உக்ரைன் நெருக்கடி இந்தியா- ரஷ்யா உறவில் பாதிப்பை ஏற்படுத்துமா?
நெப்போலியனின் வாட்டர்லூ உத்தி, புட்டினின் கெய்வ் போர் போன்றது
புடினின் இராணுவத்தைப் போலவே, நெப்போலியன் தனது படையெடுப்பை ஜூன் 18, 1815 அன்று பீரங்கி, காலாட்படை மற்றும் குதிரைப்படை தாக்குதலுடன் தொடங்கினார்,
ஆனால் அவரது ராணுவம் சவாலை எதிர்கொண்டதால் வெலிங்டனின் படையை சேதப்படுத்த முடியவில்லை.
பிரெஞ்சு இம்பீரியல் கார்ப்ஸ் நேச நாட்டுத் தாக்குதலைத் தடுக்க போராடியதால், பிரெஞ்சுக்காரர்களால் திட்டமிடப்படாத பிற திசைதிருப்பல் தாக்குதல்கள்,நெப்போலியனின் படைகளுக்கு பாதகமாக அமைந்தன.
1941ஆம் ஆண்டு கோடையில் ஹிட்லர் தனது ஆபரேஷன் பார்பரோசாவைத் தொடங்கியபோது, 3600 டாங்கிகள், 3 மில்லியன் ஜெர்மன் துருப்புகள் உட்பட ருமேனியா மற்றும் பிற நட்பு நாடுகளை சேர்த அரை மில்லியனுக்கும் அதிகமான ஜெர்மன் துருப்புகள் முன்னேறின.
சோவியத் யூனியனின் நகரங்கள் மற்றும் விவசாய நிலங்கள் வழியாக சென்ற ஜெர்மன் படைகள், ரஷ்யா பாதுகாப்பை உடைத்தன.
மேலும் படிக்க | ரஷ்யாவிடம் இருந்து எண்ணெய் இறக்குமதிக்கு அமெரிக்கா தடை
சோவியத் யூனியனின் தலைநகரைக் கைப்பற்ற ஆபரேஷன் டைபூன் தொடங்கும் நேரத்தில், ரஷ்யப் படைகளை ஒருங்கிணைக்கப்பட்டன. அத்துடன் சேர்ந்து, கடுமையான குளிர்காலமும் ஸ்டாலினுக்கு பின்னடைவைக் கொடுத்தது.
எதிரியை குறைத்து மதிப்பிடுவது பெரும்பாலும் பேரழிவுக்கு அழிவகுக்கிறது என்பதை புடின் மனதில் கொள்ள வேண்டும். தற்போது, 40 மைல் தொலைவில் உள்ள ரஷ்ய ராணுவம், கெய்வ் நகரின் உள்ள செல்ல தயாராக நின்றாலும், உக்ரைன் ராணுவத்தின் கடுமையான எதிர்ப்பால் சிக்கித் தவித்தது.
2014ஆம் ஆண்டில் கிரிமியவைப் போலவே அதிக எதிர்ப்பு இல்லாமல் விரைவாக வெற்றி கிடைத்து விடும் என்று நினைத்த புடினின் கனவு நிறைவேறவில்லை. மிகப் பெரிய சக்தியாக இருந்தாலே வெற்றி உறுதி என்று நினைத்துவிட முடியாது.
மேலும் படிக்க | ரஷ்யா – உக்ரைன் போரால் கலைந்த எலான் மஸ்கின் கனவு
அதுமட்டுமல்லாமல், நெப்போலியனுக்கோ ஹிட்லருக்கோ இல்லாத பொருளாதாரத் தடைகளை புடின் எதிர்கொள்கிறார். ரஷ்யா மீது விதிக்கப்படும் பொருளாதாரத் தடைகளை புடின் எதிர்பார்த்திருந்தாலும், அவர் அதை குறைவாக மதிப்பிட்டுவிட்டார்.
எண்ணெய் மற்றும் எரிவாயு உட்பட ரஷ்யாவின் பொருளாதாரத்தின் முக்கிய ஆதாரங்கள் தற்போது ஆட்டம் கண்டுள்ளன.
எண்ணெய் மற்றும் எரிவாயுவை உலகச் சந்தைகளில் விற்பதற்கு, ரஷ்யாவுக்கு சர்வதேச தடைகள் முட்டுக்கட்டையாக இருக்கும் என்பதால், புடினின் போர்முயற்சி அவருக்கே மிகப் பெரிய சவாலாக மாறிவிட்டது என்றே கூறலாம்.
மேலும் படிக்க | உக்ரைன் அதிபர் ஜெலென்ஸ்கி போலந்தில் தஞ்சம் புகுந்தார்; ரஷ்யா பரபரப்பு தகவல்