பயணி என்கிற காதல் பாடல் வீடியோவை இயக்கியிருக்கிறார் ஐஸ்வர்யா
ரஜினிகாந்த்
. இந்நிலையில் தன் தந்தையின் தீவிர ரசிகரான ராகவா லாரன்ஸை சந்தித்து பேசியிருக்கிறார்.
அப்பொழுது எடுக்கப்பட்ட புகைப்படங்களை ட்விட்டரில் வெளியிட்டு தன் மகிழ்ச்சியை தெரிவித்துள்ளார். அந்த புகைப்படங்களில் ஐஸ்வர்யாவின் கழுத்தில் சிலுவை டாலர் உள்ள செயினை பார்த்த சமூக வலைதளவாசிகள் அவரை விமர்சிக்கிறார்கள்.
‘DD’யால் ஐஸ்வர்யாவுக்கு புது சிக்கல்: விளாசும் நெட்டிசன்ஸ்
இந்துவாக இருந்து கொண்டு இப்படி சிலுவை டாலர் அணியலாமா என்று கேள்வி எழுப்பியுள்ளனர். ஆன்மீகத்தில் வெகு தூரம் சென்றுவிட்ட ரஜினியே தன் பரமேஷ்டி குரு ஜீசஸ் என்று முன்பு தெரிவித்துள்ளார்.
அப்படி இருக்கும்போது அவரின் மகள் சிலுவை டாலரை அணிந்ததில் தவறே இல்லை.
பயணி வீடியோ இந்தி, தமிழ், தெலுங்கு, மலையாளம் ஆகிய நான்கு மொழிகளில் வெளியாகவிருக்கிறது. இந்நிலையில் பயணி உருவான விதம் குறித்த வீடியோக்களை வெளியிட்டார் ஐஸ்வர்யா.
மேலும் பயணி குறித்து தமிழ் திரையுலக பிரபலங்களான ராதிகா சரத்குமார், பிரபுதேவா, கார்த்திக் சுப்புராஜ், சுஹாசினி மணிரத்னம், எஸ்.ஜே. சூர்யா ஆகியோர் பேசியிருக்கிறார்கள்.
எஸ்.ஜே. சூர்யா வாழ்க்கையை மாற்றிய ஐஸ்வர்யா
காதலை சொல்வதில் கில்லாடியான
ஐஸ்வர்யா
இயக்கியிருக்கும் பயணியை பார்க்க ரசிகர்கள் ஆவலுடன் காத்துக் கொண்டிருக்கிறார்கள்.