சிவகார்த்திகேயன் படத்தில் நெகட்டிவ் ரோலில் பிரேம்ஜி
சிவகார்த்திகேயன் நடிப்பில் அடுத்ததாக டான் படம் விரைவில் வெளியாக இருக்கிறது. இந்தநிலையில் தற்போது முதன்முதலாக தெலுங்கு திரையுலகிலும் நுழைந்துள்ள சிவகார்த்திகேயன் ஜதிரத்னாலு இயக்குனர் அனுதீப் இயக்கத்தில் தமிழ், தெலுங்கு என இரு மொழிகளில் உருவாகும் படத்தில் நடித்து வருகிறார். சிவகார்த்திகேயனின் இருபதாவது படமாக உருவாகும் இந்தப்படத்திற்கு தமன் இசை அமைக்கிறார்.
இந்த படத்தில் கதாநாயகியாக உக்ரைன் நாட்டை சேர்ந்த மரியா ரியபோஷப்கா என்பவர் நடிக்கிறார். மற்ற நட்சத்திரங்கள் குறித்து இன்னும் அதிகாரப்பூர்வமாக தகவல்கள் எதுவும் வெளியாகாத நிலையில், இந்த படத்தில் நெகட்டிவ் சாயல் கொண்ட முக்கிய கதாபாத்திரத்தில் நடிகர் பிரேம்ஜி நடிக்க இருக்கிறார் என ஒரு தகவல் வெளியாகியுள்ளது. அந்தவகையில் சிவகார்த்திகேயனுடன் முதன்முதலாக இந்த படத்தின் மூலம் இணைந்து நடிக்கிறார் பிரேம்ஜி