‘
மாறன்
‘ படத்தை தொடர்ந்து தற்போது
சன் பிக்சர்ஸ்
தயாரிப்பில்
மித்ரன் ஜவஹர்
இயக்கத்தில் ‘திருச்சிற்றம்பலம்’ படத்தில் நடித்து முடித்துள்ளார் தனுஷ். இதன் படப்பிடிப்பு கடந்த வருடம் சென்னையில் துவங்கியது. இந்நிலையில் இந்தப்படத்தின் ரிலீஸ் குறித்து புதிய தகவல் வெளியாகி
தனுஷ்
ரசிகர்கள் மத்தியில் உற்சாகத்தை ஏற்படுத்தியுள்ளது..
நடிகர் தனுஷ், மாளவிகா மோகனன் இருவரின் நடிப்பில் உருவான படம் மாறன். கார்த்திக் நரேன் இயக்கிய இந்தப்படம் கடந்த வாரம் டிஸ்னி பிளஸ் ஹாட்ஸ்டார் ஓடிடி தளத்தில் நேரடியாக வெளியானது. ரசிகர்களின் மிகப்பெரிய எதிர்பார்ப்பிற்கு மத்தியில் வெளியான இந்தப்படம் ஏகப்பட்ட நெகட்டிவ் விமர்சங்களை குவித்தது.
மாறன் படத்தை தொடர்ந்து மித்ரன் ஜவஹர் இயக்கத்தில் திருச்சிற்றம்பலம் படத்தில் நடிக்க ஒப்பந்தமானார் தனுஷ். ஏற்கனவே, மித்ரன் இயக்கத்தில் யாரடி நீ மோகினி, குட்டி, உத்தமபுத்திரன் உள்ளிட்டப் படங்களில் தனுஷ் நடித்துள்ளார். சன் பிக்சர்ஸ் தயாரிக்கும் இந்த படத்தில் பாரதி ராஜா, பிரகாஷ் ராஜ், நித்யா மேனன், கென் கருணாஸ் உள்ளிட்டோர் முக்கிய கதாபாத்திரத்தில் நடிக்கின்றனர்.
மகள் ஐஸ்வர்யாவிற்காக ‘இதை’ செய்வாரா ரஜினி..?: எதிர்பார்ப்பில் ரசிகர்கள்..!
இந்நிலையில் ‘திருச்சிற்றம்பலம்’ படம் ஜுலை 1 ஆம் தேதி திரையரங்குகளில் வெளியாக உள்ளதாக தகவல்கள் வெளியாகியுள்ளன. தனுஷின் கடைசி மூன்று படங்களும் ஓடிடி தளத்தில் ரிலீஸ் ஆனதால் அப்செட்டில் இருந்தனர் ரசிகர்கள். இந்த மூன்று படங்களும் சொல்லி கொள்ளும்படியான வெற்றியையும் பெறவில்லை.
இந்நிலையில் ‘திருச்சிற்றம்பலம்’ படம் நேரடியாக திரையரங்குகளில் வெளியாகவுள்ளது ரசிகர்கள் மத்தியில் மகிழ்ச்சியை ஏற்படுத்தியுள்ளது. இந்தப்படத்தில் தனுஷ் ஜோடியாக ப்ரியா பவானி சங்கர், ராஷி கண்ணா, நித்யா மேனன் உள்ளிட்ட நான்கு கதாநாயகிகள் நடிக்கவுள்ளனர். நீண்ட இடைவேளைக்கு பின் தனுஷ், அனிருத் கூட்டணி இந்த படத்தில் இணைந்து பணிபுரிந்துள்ளது குறிப்பிடத்தக்கது.
“எதற்கும் துணிந்தவன்” படம் எப்படி இருக்கு?