படப்பிடிப்புக்காக போடப்பட்ட பைவ் ஸ்டார் ஹோட்டல் செட்டிலேயே குடியேறிய சமந்தா!
தமிழில் விக்னேஷ் சிவன் இயக்கத்தில் விஜய் சேதுபதி நாயகனாக நடித்துள்ள காத்துவாக்குல ரெண்டு காதல் என்ற படத்தில் நயன்தாராவுடன் இணைந்து இன்னொரு நாயகியாக நடித்திருக்கிறார் சமந்தா. இதுதவிர தெலுங்கில் தயாராகி வரும் யசோதா என்ற படத்தில் பிசியாக நடித்து வருகிறார் . இந்தப் படத்திற்காக ஐந்து நட்சத்திர ஹோட்டல் போன்ற பிரமாண்டமான செட் ஒன்று ஐதராபாத்தில் போடப்பட்டுள்ளது. அதோடு மூன்று மாதங்கள் இடைவிடாத படப்பிடிப்பு இந்த செட்டில் நடைபெறுவதால் அங்கிருந்து தங்குவதற்காக வெளியில் சென்று வந்தால் அதிகப்படியான காலதாமதம் என்பதால் அந்த பைவ் ஸ்டார் ஹோட்டல் செட்டுக்குள்ளேயே தற்போது தங்கி வருகிறார் சமந்தா. அதோடு பைவ் ஸ்டார் ஹோட்டல் போன்றே இந்த செட் உருவாகியிருப்பதால் ஓட்டலில் தங்கி இருப்பது போன்ற அதே உணர்வு ஏற்படுகிறது என்றும் தெரிவித்திருக்கிறார் யசோதா பட நாயகி சமந்தா. இந்த படத்தில் சமந்தாவுடன் வரலட்சுமி, உன்னி முகுந்தன் ஆகியோரும் முக்கிய வேடங்களில் நடிக்க, மணிசர்மா இசை அமைக்கிறார். ஹரி சங்கர்- ஹரிஷ் ஆகியோர் இயக்கி வருகிறார்கள்.