பிகினியுடன் பிறந்தநாள் கொண்டாட்டத்தில் ஆலியா பட்
பாலிவுட்டின் முன்னணி நடிகைகளில் ஒருவர் ஆலியா பட். அவர் நடித்து சமீபத்தில் வெளிவந்த 'கங்குபாய் கத்தியவாடி' படம் மூலம் விமர்சகர்களின் பாராட்டுக்களையும் பெற்றுள்ளார். அடுத்த வாரம் ஆலியா தெலுங்கில் அறிமுகமாகும் 'ஆர்ஆர்ஆர்' படம் வெளிவர உள்ளது.
இரண்டு தினங்களுக்கு முன்பு மார்ச் 15ம் தேதி ஆலியா பட்டின் பிறந்தநாள். தன்னுடைய பிறந்தநாள் கொண்டாட்டத்தை மாலத் தீவில் உள்ள தனியார் தீவு ஒன்றில் கொண்டாடியுள்ளார் ஆலியா.
தனது பிறந்தநாள் கொண்டாட்டம் பற்றிய வீடியோ ஒன்றை, “இது 29, உங்கள் அனைவரின் அன்புக்கு நன்றி” என்று பதிவிட்டு வெளியிட்டுள்ளார். பிகினி உடையில் ஆலியா இருக்கும் காட்சியுடன் ஆரம்பமாகும் அந்த சிறிய வீடியோவிற்கு இதுவரையில் 19 லட்சம் லைக்குகள் கிடைத்துள்ளன. பல பிரபலங்களும் ஆலியாவிற்கு தங்களது பிறந்தநாள் வாழ்த்துகளைத் தெரிவித்துள்ளனர்.