காதல் கணவரான தனுஷை கடந்த ஜனவரி மாதம் பிரிந்த
ஐஸ்வர்யா
இயக்கத்தில் இறங்கினார். ஏற்கனவே 3, வை ராஜா வை, சினிமா வீரன் உள்ளிட்ட படங்களை இயக்கியுள்ள ஐஸ்வர்யா முதல் முறையாக இசை ஆல்பத்தை இயக்கியுள்ளார்.
பயணி, சஞ்சரி, முசாஃபிர், யாத்ரகாகன் ஆகிய பாடல்களை இயக்கி வந்தார். முழுக்க முழுக்க காதல் ரொமான்ஸ் என களைக்கட்டுவதாக கூறப்பட்டது. இதற்கான அப்டேட்டுக்களை ஆரம்பம் முதல் இறுதி வரை ஒவ்வொரு ஸ்டேஜ்ஜிலும் வெளியிட்டு வந்தார்.
ஷூட்டிங் ஸ்பாட், எடிட் ஷூட் என வேலைகள் ஜரூராக நடப்பதாக கூறி வந்தார் ஐஸ்வர்யா. இதனால் ஆல்பத்தின் மீதான எதிர்பார்ப்பு எகிறியது. கொரோனா பாதிப்புக்கு நடுவில் ஒரு வழியாக ஆல்ப பணிகளை முடித்தார். இதன்
பயணி
பாடலை நடிகர் ரஜினிகாந்த் இன்று தனது டிவிட்டர் பக்கத்தில் வெளியிட்டார்.
இதனை பார்த்த ரசிகர்கள் இதுக்கா இவ்ளோ அலப்பறை என கேட்டு வருகின்றனர். பாடலில் காஸ்ட்டிங் தேர்வு சரியில்லை, விஷ்வல் குவாலிட்டி சரியில்லை, அனிருத்தை பயன்படுத்திய விதம் சரியில்லை, கான்செப்டும் சரியில்லை, மொத்தத்தில் பயணி கொஞ்சம் கூடஓட்டவே இல்லை என அதிருப்தி கருத்துக்களை தெரிவித்து வருகின்றனர் ரசிகர்கள்.
இப்படி ஒரு மோசமான ஆல்பத்தை தயாரித்து விட்டு இதற்கு தலைவரையும் டிவிட் செய்ய வைத்துவிட்டீர்களே என்றும் ரசிகர்கள் கதறி வருகின்றனர். எதிர்பார்த்த அளவுக்கு இல்லை என்றும் நெகட்டிவ் கமெண்டுகளை குவித்து வருகின்றனர் ரசிகர்கள்.
சிவகார்த்திகேயன் படம் வரட்டும்; மேடையில் SK20 பற்றி பேசிய சத்யராஜ்!