ஊழியர்கள் மனம் குளிரவைத்த IDFC பர்ஸ்ட் வங்கி சிஇஓ..!

வைத்தியநாதன்

ஐடிஎஃப்சி ஃபர்ஸ்ட் பேங்க் நிர்வாக இயக்குனர் மற்றும் தலைமை நிர்வாக அதிகாரியுமான வி வைத்தியநாதன், தன்னுடன் நீண்ட காலமாக நெருங்கி பழகிய, இறந்த சக ஊழியரின் சில குடும்ப உறுப்பினர்களுக்கு உதவும் வகையில், குழந்தைகளுக்கான கல்வி உதவி, மற்றும் அவர்களுக்கு நிதி ஆதரவு அளிக்கும் வகையிலும் வைத்தியநாதன் வைத்திருந்த IDFC FIRST வங்கி பங்குகளில் 5,00,000 ஈக்விட்டி பங்குகளைப் பரிசாக அளித்துள்ளார், என்று ஐடிஎஃப்சி ஃபர்ஸ்ட் வங்கி வியாழக்கிழமை தெரிவித்துள்ளது.

சென்னை

சென்னையில் பிறந்தார் வைத்தியநாதன் தனது பள்ளி படிப்பை இந்தியாவில் உள்ள பல கேந்திரிய வித்யாலயா பள்ளியில் பயின்றார். இதைத் தொடர்ந்து வி. வைத்தியநாதன் தனது கல்லூரி படிப்பை மேஸ்ராவில் உள்ள பிர்லா இன்ஸ்டிடியூட் ஆப் டெக்னாலஜி கல்லூரியில் இளங்கலை பட்டம் பெற்றார். இதைத் தொடர்ந்து பாஸ்டனில் உள்ள ஹார்வர்ட் பிசினஸ் ஸ்கூலில் தனது மேம்பட்ட மேலாண்மை படிப்பை முடித்தார்.

 

சிட்டிபேங்க், ஐசிஐசிஐ

படிப்பை முடித்த வைத்தியநாதன் சிட்டி வங்கியில் தனது முதல் பணியைத் துவங்கினார். 1990 முதல் 2000 வரை சிட்டி வங்கியின் நுகர்வோர் வங்கியில் பணியாற்றினார். இதைத் தொடர்ந்து ஐசிஐசிஐ புருடென்ஷியல் லைஃப் இன்சூரன்ஸ் நிறுவனத்தின் எம்டி மற்றும் சிஇஓவாக இருந்தார், மேலும் ஐசிஐசிஐ வங்கியின் நிர்வாகக் குழுவிலும் பணியாற்றியுள்ளார்.

கேப்பிடல் ஃபர்ஸ்ட்

பல நிறுவனத்தில் பல முக்கியப் பதவிகளில் பணியாற்றிய வி. வைத்தியநாதன் 2012ல் சொந்தமாக நிறுவனத்தை உருவாகும் முயற்சியில் இறங்கி ஒரு NBFC அமைப்பில் பங்கு வாங்கி, இதன் பின் வாப்பெர்க் பின்கஸ் நிறுவனத்தின் முதலீட்டின் மூலம் கேப்பிடல் ஃபர்ஸ்ட் என்ற நிறுவனத்தை உருவாக்கினார்.

ஐடிஎஃப்சி ஃபர்ஸ்ட் பேங்க்

2018ல் ஐடிஎஃப்சி வங்கி மற்றும் கேப்பிடல் ஃபர்ஸ்ட் இணைப்பு அறிவிக்கப்பட்ட பின்பு ஐடிஎஃப்சி ஃபர்ஸ்ட் பேங்க் லிமிடெட்டின் எம்டி மற்றும் சிஇஓ பதவியைப் பிடித்தார் வைத்தியநாதன். இவருடைய வளர்ச்சி வங்கி துறையில் பணியாற்றி வரும் பல லட்சம் இளைஞர்களுக்கு முன்னுதாரணமாக உள்ளது.