ஸ்ரீதிவ்யா நடித்த முதல் மலையாள படம் ஏப்ரல் 28-ல் ரிலீஸ்
தமிழில் வருத்தப்படாத வாலிபர் சங்கம் படம் மூலம் கதாநாயகியாக அறிமுகமானவர் நடிகை ஸ்ரீதிவ்யா. அதைத்தொடர்ந்து காக்கி சட்டை, ஈட்டி, பெங்களூர் நாட்கள், காஷ்மோரா என வருடத்திற்கு 5 படங்களுக்கு குறையாமல் நடித்து வந்த ஸ்ரீதிவ்யா, தமிழ், தெலுங்கில் மட்டும் கவனம் செலுத்தி வந்தார். கடந்த 2017-க்கு பின் ஸ்ரீதிவ்யா நடித்த படங்கள் எதுவும் ரிலீசாகவில்லை.
இந்த நிலையில் முதன்முறையாக மலையாளத்தில் ஜனகணமன என்கிற படத்தில் நடித்துள்ளார் ஸ்ரீதிவ்யா. பிரித்விராஜ் ஹீரோவாக நடித்துள்ள இந்த படத்தில் கதாநாயகியாக மம்தா மோகன்தாஸ் மற்றும் முக்கிய வேடத்தில் சுராஜ் வெஞ்சாரமூடு ஆகியோர் நடித்துள்ளனர். கடந்த வருடமே இந்த படத்தின் படப்பிடிப்பு முடிவடைந்து விட்டாலும், சில காரணங்களால் இந்த படத்தின் ரிலீஸ் தள்ளிப் போய் வந்தது. இந்த நிலையில் இந்த படம் வரும் ஏப்ரல் 28-ஆம் தேதி ரிலீசாக இருக்கிறது.