தேனி மாவட்டம் பங்களாமேடு பகுதியில் கட்டுப்பாட்டை இழந்து திடீரென சாலையில் கவிழ்ந்த ஷேர் ஆட்டோ மீது லாரி மோதியதில் 2 பேர் உயிரிழந்தனர்.
அரண்மனை புதூர் விளக்கில் இருந்து தேனி நோக்கி 6 பேரை ஏற்றிக்கொண்டு சென்றுக்கொண்டிருந்த ஷேர் ஆட்டோ, தேனி மதுரை தேசிய நெடுஞ்சாலையில் கட்டுப்பாட்டை இழந்து ஒருபுறமாக கவிழ்ந்தது.
அப்போது கண்ணிமைக்கும் நேரத்திற்குள் எதிரே வந்த லாரி, ஷேர் ஆட்டோ மீது மோதியதில் ஆட்டோவில் பயணித்த 6 பேர் படுகாயமடைந்தனர். இச்சம்பவம் அங்கிருந்த சிசிடிவி கேமராவில் பதிவாகியுள்ளது.
6 பேரும் மீட்கப்பட்டு ஆம்புலன்ஸ் மூலம் தேனி அரசு மருத்துவக் கல்லூரி மருத்துவமனையில் அனுப்பி வைக்கப்பட்ட நிலையில், இருவர் சிகிச்சை பலனின்றி உயிரிழந்தனர்.