சூர்யா,
வெற்றிமாறன்
இருவரும் இணையும் காம்போவிற்காக வெறித்தனமாக காத்து கொண்டிருக்கின்றனர் ரசிகர்கள். அண்மையில்
சூர்யா
நடிப்பில் வெளியான அனைத்து படங்களும் ரசிகர்கள் மத்தியில் அமோக வரவேற்பை பெற்று வருகிறது. இதனிடையில் சூர்யாவின் ‘
வாடிவாசல்
‘ படப்பிடிப்பு நேற்றைய தினம் அட்டகாசமாக துவங்கியது.
‘சூரரைப் போற்று’ படத்தின் வெற்றிக்கு பிறகு டைரக்டர் பாண்டிராஜ் இயக்கத்தில் ‘எதற்கும் துணிந்தவன்’ படத்தில் நடித்தார் சூர்யா. சன்பிக்சர்ஸ் நிறுவனம் தயாரித்துள்ள இந்தப்படத்தில் சூர்யாவுக்கு ஜோடியாக பிரியங்கா அருள் மோகன் நடித்துள்ளார். சூர்யாவின் கடைசி இரு படங்கள் ஓடிடியில் வெளியான நிலையில் ‘எதற்கும் துணிந்தவன்’ திரையரங்குகளில் வெளியாகி ரசிகர்கள் மத்தியில் அமோக வரவேற்பினை பெற்று வருகிறது.
‘அசுரன்’ படத்தின் வெற்றிக்கு பிறகு தற்போது சூரியை வைத்து ‘விடுதலை’ என்ற படத்தை இயக்கி முடித்துள்ளார் வெற்றிமாறன். இந்தப்படத்தில் நடிகர் விஜய்சேதுபதி முக்கியமான கதாபாத்திரம் ஒன்றில் நடித்து வருகிறார். இந்த படத்தை முடித்ததும் சூர்யாவின் ‘வாடிவாசல்’ படத்திற்கான பணிகளை துவங்குவதில் மும்முரமாக இருந்தார் வெற்றிமாறன்.
தனுஷ் வீட்டில் இருந்து அடுத்தடுத்து வந்த வாழ்த்து செய்தி: குஷியில் ஐஸ்வர்யா..!
இந்நிலையில் நேற்றைய தினம் ‘வாடிவாசல்’ படத்தின் டெஸ்ட் ஷூட்டிங் சென்னை கிழக்கு கடற்கரை சாலையில் நடந்துள்ளது. அதில், ஜல்லிக்கட்டு போன்று செட் அமைத்து ஷூட்டிங் நடந்துள்ளது. இதில் நடிகர் சூர்யா, இயக்குநர் வெற்றிமாறன், கலைப்புலி தாணு ஆகியோர் கலந்துகொண்டுள்ளனர். இந்த புகைப்படம் இணையத்தில் வெளியாகி படுவேகமாக வைரலானது.
இந்நிலையில் இன்று ஜல்லிக்கட்டு காளையுடன் வெற்றிமாறன், சூர்யா நிற்கும் புகைப்படம் வெளியாகியுள்ளது. வேஷ்டி பனியனுடன் கிராமத்து இளைஞனாக முரட்டுத்தனமாக காட்சியளிக்கும் புகைப்படம் ரசிகர்கள் மத்தியில் எதிர்பார்ப்பை எகிற வைத்துள்ளது. ‘வாடிவாசல்’ படம் ஜல்லிக்கட்டு சம்பந்தமான கதையம்சம் என்று கூறப்பட்டாலும் படத்தில் இந்தி எதிர்ப்பு போராட்டம் குறித்த அம்சங்களும் இருக்கும் என்று வெற்றிமாறன் ஏற்கனவே தெரிவித்திருந்தது குறிப்பிடத்தக்கது.
மீண்டும் ஃபார்முக்கு வந்த விஜயகாந்த்; போட்டோ பார்த்து குஷியான ரசிகர்கள்!