டெக் சந்தையில் சீன நிறுவனங்களுக்கு வலுவான போட்டியை கொரிய நிறுவனமான சாம்சங் கொடுத்து வருகிறது. தொடர்ந்து பல தரப்பட்ட விலையில் உள்ள கேட்ஜெட்டுகளை சந்தையில் நிறுவனம் அறிமுகம் செய்து வருகிறது.
கேலக்ஸி S சீரிஸ் பிரீமியம் போனை வெளியிட்ட கையோடு, F சீரிஸ் ஸ்மார்ட்போன்கள், சாம்சங் மடிக்கணினிகள், WindFree Ac என நிறுவனம் தயாரிப்பு பட்டியலை சந்தையில் விரிவுபடுத்தி வருகிறது. தற்போது
Samsung
A Series ஸ்மார்ட்போன் தொகுப்பில் புதிய 5ஜி போனை அறிமுகம் செய்துள்ளது.
Samsung Galaxy A53 5G
ஸ்மார்ட்போனில் 120Hz ரெப்ரெஷ் ரேட் கொண்ட AMOLED டிஸ்ப்ளே, 64MP OIS கேமரா, 5nm Exynos புராசஸர், ஆண்ட்ராய்டு 12 அடிப்படையிலான One UI 4.1 ஸ்கின் போன்ற சிறப்பம்சங்கள் உள்ளது. இந்த ஸ்மார்ட்போனின் முன்பதிவை சாம்சங் தங்களின் பிரத்யேக இணையதளத்தில் தொடங்கி உள்ளது.
அவ்ளோ அழகுங்க இந்த SAMSUNG 5G போன் – ஸ்பெக்கும் டாப் டக்கர்!
சாம்சங் கேலக்ஸி ஏ53 5ஜி அம்சங்கள் (Samsung Galaxy A53 5G Features)
புதிய சாம்சங் 5ஜி ஸ்மார்ட்போனில், 6.5″ FHD+ Super AMOLED Infinity-O 120Hz டிஸ்ப்ளே கொடுக்கப்பட்டுள்ளது. Galaxy A53 5G ஸ்மார்ட்போன் புற ஊதா கதிர்களில் இருந்து கண்களை பாதுகாக்க vivid outdoor visibility மற்றும் Eye Comfort Shield போன்ற அம்சங்களைக் கொண்டுள்ளது. 800 nits வரை பிரைட்னஸை இந்த டிஸ்ப்ளே வெளிப்படுத்துகிறது.
இந்த ஸ்மார்ட்போனின் செயல்திறனுக்காக நிறுவனத்தின் பிரத்யேக 5nm
Exynos 1280
(Octa-Core 2.4GHz) 5ஜி புராசஸர் பயன்படுத்தப்பட்டுள்ளது. Android 12 அடிப்படையிலான One UI 4.1 ஸ்கின் மூலம் Samsung Galaxy A53 5G இயக்கப்படுகிறது. 4 வருடங்களுக்கு OS அப்டேட்டும், 2 வருடங்களுக்கு Security அப்டேட்டும் வழங்கப்படும் என Samsung உறுதியளித்துள்ளது.
சாம்சங் கேலக்ஸி ஏ53 5ஜி கேமரா (Samsung Galaxy A53 5G Camera)
மொத்த நான்கு கேமராக்கள் பின்பக்கத்தில் கொடுக்கப்பட்டுள்ளது. இதில் முதன்மை சென்சாராக 64MP (OIS) F/1.8, 12MP Ultra-wide F/2.2 லென்ஸ், 5MP Depth F/2.4 சென்சார், 5MP Macro F/2.4 மேக்ரோ சென்சார் ஆகிய குவாட் கேமரா அமைப்பு இதில் உள்ளது.
செல்பி, வீடியோ அழைப்புகளுக்காக 32MP F/2.2 வைட் ஆங்கிள் லென்ஸ் கொடுக்கப்பட்டுள்ளது. ஜியோமேக்னெடிக் சென்சார் (Geomagnetic sensor), லைட் சென்சார் (Light sensor), புராஸிமிட்டி சென்சார் (Proximity sensor), அக்செலெரோமீட்டர் (Accelerometer), கிராவிட்டி சென்சார் (Gravity sensor) ஆகிய சென்சார்கள் ஸ்மார்ட்போனில் பயன்படுத்தப்பட்டுள்ளது.
சாம்சங் கேலக்ஸி ஏ53 5ஜி பேட்டரி (Samsung Galaxy A53 5G Battery)
Wi-Fi 5 GHz, Bluetooth 5.2, SBC, AAC, aptX, LDAC ஆடியோ கோடெக், டைப்-சி, 3.5mm ஹெட்போன் ஜாக், NFC ஆகிய இணைப்பு ஆதரவும் கேலக்ஸி ஏ53 5ஜி ஸ்மார்ட்போனில் உள்ளது. GPS, AGPS, BeiDou Navigation Satellite System, GLONASS, Galileo போன்ற இருப்பிட சென்சார்களும் இதில் நிறுவப்பட்டுள்ளது.
பக்கா பட்ஜெட் புராசஸர் – Realme அறிமுகம் செய்த 9 SE 5G போன்!
இந்த ஸ்மார்ட்போனை சக்தியூட்ட 5000mAh பேட்டரி பயன்படுத்தப்பட்டுள்ளது. 25W Super Fast Charging ஆதரவு இருந்தும், சார்ஜிங் அடாப்டர் போனுடன் வழங்கப்படவில்லை. ரூ.30,000க்கும் அதிகமான விலையில் வெளியாகும் ஸ்மார்ட்போனில் சார்ஜிங் அடாப்டர் கொடுக்காதது பயனர்களுக்கு ஏமாற்றத்தை அளிக்கும் என சாம்சங் உணர வேண்டும்.
சாம்சங் கேலக்ஸி ஏ53 5ஜி விலை (Samsung Galaxy A53 5G Price in India)
புதிய Galaxy A53 5G கருப்பு, வெள்ளை, வெளிர் நீலம், பீச் ஆகிய நான்கு அற்புதமான வண்ணங்களில் கிடைக்கிறது. Galaxy A53 5G 6GB+128GB வேரியண்டின் விலை ரூ.34,499 ஆகவும், 8GB+128GB வேரியண்டின் விலை ரூ.35,999 ஆகவும் விற்பனைக்குக் கொண்டுவரப்பட்டுள்ளது. 1TB வரை ஸ்டோரேக் மெமரியை விரிவுபடுத்தக்கூடிய மைக்ரோ எஸ்டி கார்டு ஆதரவும் இந்த ஸ்மார்ட்போனில் உள்ளது.
Galaxy A53 5G ஆனது Samsung.com, சில்லறை கடைகள், தேர்ந்தெடுக்கப்பட்ட ஆன்லைன் போர்ட்டல்களில் மார்ச் 21 முதல் 31, 2022 வரை முன்பதிவு செய்யப்படுகிறது. முன்பதிவு செய்யும் வாடிக்கையாளர்கள் Galaxy A53 5Gஐ மார்ச் 25, 2022 முதல் வாங்கலாம்.
சிறப்புச் சலுகையாக, Galaxy A53 5G ஸ்மார்ட்போனை முன்பதிவு செய்யும் வாடிக்கையாளர்கள் 3000 ரூபாய் மதிப்புள்ள வங்கி கேஷ்பேக் அல்லது 2000 ரூபாய் மதிப்புள்ள Samsung Finance+ கேஷ்பேக்கை பெறத் தகுதி பெறுவார்கள் என்பது குறிப்பிடத்தக்கது.
Read more:
வீட்டிலேயே தியேட்டர் அனுபவம் – Redmi வெளியிட்ட 100 இன்ச்திஷா பதானி விரும்பும், Samsungன் புத்தம்புதிய WindFree™ தொழில்நுட்பம் கொண்ட குளுகுளு ஏ.சி!இனி நீங்க ஏமாத்த முடியாது – Netflix எடுத்த அதிரடி முடிவு!
Samsung-Galaxy-A53-5G விவரங்கள்முழு அம்சங்கள்ஃபெர்பார்மன்ஸ்Exynos 9611 (10nm)சேமிப்பகம்128 GBபேட்டரி4000 mAhஇந்திய விலை36460டிஸ்பிளே6.5 inches (16.51 cm)ரேம்6 GBமுழு அம்சங்கள்
Samsung-Galaxy-A53-5GSamsung Galaxy A53 5G 128GB 8GB RAM