இந்தியாவில்
Google Chrome
பிரவுசர், அதிக எண்ணிக்கையிலான பயனர்களைக் கொண்டுள்ளது. அனைத்து விதமான டெக் பயன்பாடுகளை மேற்கொள்ளும் பயனர்களுக்கு பிரவுசர் என்பது முக்கியமானதாக உள்ளது. அந்தவகையில், நீங்கள் Google Chrome பிரவுசரைப் பயன்படுத்துகிறீர்கள் என்றால், அரசின் இந்த முக்கிய அறிவிப்பு குறித்து தெரிந்து கொள்ளுங்கள்.
இந்தியத் தகவல் தொழில்நுட்ப அமைச்சகத்தின் ஒரு பகுதியாக செயல்பட்டு வரும் ‘இந்திய கணினி அவசர உதவிக் குழு (CERT-In)’
கூகுள் குரோம்
பிரவுசர் (Google Chrome Browser) பயனர்களுக்கு மீண்டும் எச்சரிக்கை விடுத்துள்ளது. அரசாங்கத்தின் எச்சரிக்கை குறிப்பாக Chrome பிரவுசர் பயன்படுத்துபவர்களுக்கு விடுக்கப்பட்டுள்ளது.
Google Chrome பதிப்பு 99.0.4844.74 அல்லது அதற்கு முந்தைய Chrome உலாவியைப் பயன்படுத்துபவர்கள் இந்த எச்சரிக்கை என்பது குறிப்பிடத்தக்கது. கணினியை இலக்காக வைத்து சைபர் அட்டாக் நடத்துவதற்கு சாதகமான பல காரணிகள் கூகுள் குரோம் உலாவியில் கண்டறியப்பட்டுள்ளதாக அரசு தெரிவித்துள்ளது.
Google I/O நிகழ்வு குறித்து அறிவிப்பு வெளியிட்ட சுந்தர் பிச்சை!
எச்சரிக்கும் அரசு
கூகுள் குரோமில் பல தீங்கிழைக்கும் பக்ஸ் கண்டறியப்பட்டுள்ளதாக CERT-In எச்சரிக்கை விடுத்துள்ளது. உங்கள் கூகுள் குரோம் உலாவி மூலம் மடிக்கணினிகள், மொபைல்கள் மற்றும் டேப்லெட்டுகள் போன்ற மின்னணு சாதனங்களில் சைபர் தாக்குதல்களுக்கு இந்த பக்ஸ் காரணமாக இருக்கலாம்.
இந்த வகையான தாக்குதலில், ஹேக்கர்கள் தன்னிச்சையான குறியீட்டைப் பயன்படுத்தி கணினிகள், மொபைல்கள் மற்றும் பிற கேஜெட்டுகளுக்கான அணுகலைப் பெறுகிறார்கள். இத்தகைய தாக்குதல்களில் பயனர்களின் தனியுரிமை தகவல்களின் பாதுகாப்பு கேள்விக்குறியாகிறது.
ஏனென்றால், கூகுள் குரோம் உலாவியின் பழைய பதிப்புகளில் உள்ள பாதுகாப்புக் கட்டுப்பாடுகளை ஹேக்கர்கள் எளிதில் தகர்க்க முடியும். Google Chrome இன் பழைய பதிப்புகளில் பல பாதுகாப்பு குறைபாடுகள் உள்ளதாகவும் Cert-In தெரிவித்துள்ளது.
YouTube வழங்கும் புதிய அம்சம்; ரொம்ப யூஸ்ஃபுல்லா இருக்கும்!
கூகுள் குரோம் அப்டேட்
கூகுள் குரோம் பிரவுசரில் Blink Layout, Extensions, Safe Browsing, Splitscreen, ANGLE, New Tab Page, Browser UI and Heap buffer overflow in GPU போன்றவற்றில் தீங்கிழைக்கும் பிழைகள் இருப்பதாக அரசு வெளியிட்டுள்ள அறிவிப்பில் கூறப்பட்டுள்ளது. பழைய பதிப்பை பயன்படுத்தும் Google Chrome பயனர்கள் உடனடியாக
99.0.4844.74
புதிய பதிப்பை அப்டேட் செய்யும்படி CERT-in அறிவுறுத்தியுள்ளது.
கூகுள் குரோம் பிரவுசரை அப்டேட் செய்ய பின்வரும் வழிமுறைகளை பயனர்கள் பின்பற்ற வேண்டும்.
கூகுள் குரோம் பிரவுசரை திறக்கவும்மேலே வலது பக்கம் இருக்கும் மூன்று புள்ளிகளைக் கிளிக் செய்யவும்அதில் திறக்கப்படும் டிராப் டவுன் பாக்ஸில் ‘Help’ – ‘About Google Chrome’ என்பதைத் தேர்வு செய்யவும்உடனடியாக கூகுள் குரோம் குறித்த தகவல்கள் அடங்கிய பக்கம் திறக்கப்படும்அதில் ‘Chrome is up to date’ என்று இருந்தால், உங்கள் பிரவுசர் பாதுகாப்பாக இருக்கிறது என்று அர்த்தம்இல்லை என்றால் உடனடியாக ‘Install Update’ என்பதை கிளிக் செய்ய வேண்டும்அப்டேட் நிறைவடைந்த உடன் ‘Restart Google Chrome’ என்பதை கிளிக் செய்து அப்டேட்டை பூர்த்தி செய்யவும்இப்போது உங்கள் பிரவுசரின் பாதுகாப்பு புதிய பதிப்புடன் மேம்படுத்தப்பட்டு விடும்
Read more:
ஏர்டெல் Vs ஜியோ Fiber broadband திட்டங்கள் – 4,000 GB வரை டேட்டா பலன்கள்!வீட்டிலேயே தியேட்டர் அனுபவம் – Redmi வெளியிட்ட 100 இன்ச்இன்ஸ்டாகிராம்-க்கு குட் பை – ரஷ்யாவின் புதிய ‘Rossgram’ ஆப்