நயன்தாரா
தன் காதலரான இயக்குநர் விக்னேஷ் சிவனுடன் சேர்ந்து
ரவுடி பிக்சர்ஸ்
என்கிற பெயரில் தயாரிப்பு நிறுவனம் துவங்கி நடத்தி வருகிறார்.
ரவுடி பிக்சர்ஸ் தயாரித்த கூழாங்கல் படத்திற்கு பல விருதுகள் கிடைத்தது. ரவுடி பிக்சர்ஸ் நிறுவனம் எத்தகைய படங்களை தயாரிக்க வேண்டும் என்பதை நயன்தாரா முடிவு செய்து வருகிறார்.
இந்நிலையில் ரவுடி பிக்சர்ஸ் நிறுவனம் தொடர்பாக நயன்தாரா மற்றும்
விக்னேஷ் சிவன்
மீது சமூக ஆர்வலர் ஒருவர் சென்னை போலீஸ் கமிஷனர் அலுவலகத்தில் புகார் அளித்துள்ளார்.
அந்த புகார் மனுவில் அவர் கூறியிருப்பதாவது,
ரவுடிகளை ஒழிக்க, தமிழக போலீஸ் அதிகாரிகள் பல்வேறு நடவடிக்கைகளை எடுத்து வருகிறார்கள். ஆனால், இயக்குநர் விக்னேஷ் சிவனும், நடிகை நயன்தாராவும் சமூக பொறுப்பின்றி ரவுடிகளை ஊக்கப்படுத்தும் விதமாக, ரவுடி பிக்சர்ஸ் என்ற பட தயாரிப்பு நிறுவனம் துவங்கி இருப்பது, பொது மக்களை அதிர்ச்சி அடையச் செய்துள்ளது.
ரவுடி பிக்சர்ஸ் பட தயாரிப்பு நிறுவனத்தை தடை செய்ய வேண்டும். விக்னேஷ் சிவன் மற்றும் நயன்தாராவை கைது செய்ய வேண்டும். இருவர் மீதும் வழக்குப்பதிவு செய்து சட்டப்படி நடவடிக்கை எடுக்க வேண்டும் என்று அவர் அதில் தெரிவித்துள்ளார்.