ராஷ்டிரிய ஜனதா தளத் தலைவர்
லாலு பிரசாத் யாதவ்
, உடல்நலக் குறைவு காரணமாக ராஞ்சியில் உள்ள ராஜேந்திர மருத்துவ அறிவியல் கழக மருத்துவமனையில் (ஆர்ஐஎம்எஸ்) அனுமதிக்கப்பட்டிருந்தார்.
அங்கு அவருக்கு தொடர் சிகிச்சை அளிக்கப்பட்டு வந்த நிலையில், அவரின் உடல்நிலை இன்று மோசமானது. இதனையடுத்து மேல்சிகிச்சைக்காக அவர் டெல்லி எய்மஸ் மருத்துவமனையில் அனுமதிக்கப்பட்டுள்ளார். அங்கு அவருக்கு தீவிர சிகிச்சை அளிக்கப்பட்டு வருகிறது.
லாலு பிரசாத் யாதவின் இதயம் மற்றும் சிறுநீரகத்தில் பிரச்சனைகள் இருப்பது கண்டுப்பிடிக்கப்பட்டது. இதனையடுத்து அவர் மேல்சிகிச்சைக்காக டெல்லி எய்ம்ஸ் மருத்துவமனைக்கு அனுப்பப்பட்டுள்ளதாக ஆர்ஐஎம்எஸ் மருத்துவமனை நிர்வாகம் தெரிவித்துள்ளது.
முன்னதாக சிபிஐ நீதிமன்றத்தின் ஐந்தாவது கால்நடைத் தீவன ஊழல் வழக்கில் லாலுவுக்கு 5 ஆண்டுகள் சிறைத் தண்டனை மற்றும் ரூ.60 லட்சம் அபராதம் விதித்து கடந்த பிப்ரவரி மாதம் தீர்ப்பளிக்கப்பட்டது.
இந்த வழக்கில் ஜாமின் கோரிய லாலு பிரசாத் யாதவின் மனு மீதான விசாரணையை ஏப்ரல் 1 ஆம் தேதிக்கு ஜார்க்கண்ட் உயர் நீதிமன்றம் ஒத்திவைத்துள்ளது குறிப்பிடத்தக்கது.