‘
பீஸ்ட்
‘ படம் குறித்து வெளியாகும் அப்டேட்கள் அனைத்தும் ரசிகர்கள் மத்தியில் மிகப்பெரிய எதிர்பார்ப்பினை கிளப்பி வருகிறது. ‘மாஸ்டர்’ படத்தின் வெற்றியை தொடர்ந்து தற்போது இந்தப்ப்டாத்தில் நடித்து முடித்துள்ளார்
விஜய்
. ஏப்ரலில் ‘பீஸ்ட்’ படம் வெளியாகவுள்ளதால் ப்ரோமோஷன் பணிகளில் மும்முரமாக ஈடுபட்டு வருகின்றனர் படக்குழுவினர்.
கோலமாவு கோகிலா, டாக்டர் படங்களை தொடர்ந்து விஜய் நடிப்பில் ‘பீஸ்ட்’ படத்தை இயக்கியுள்ளார்
நெல்சன் திலீப்குமார்
.
சன் பிக்சர்ஸ்
தயாரிக்கும் ‘பீஸ்ட்’ படத்தில் விஜய்க்கு ஜோடியாக பூஜா ஹெக்டே நடித்துள்ளார். இந்தப்படத்தில் மலையாள நடிகர் ஷைன் டாம் சாக்கோ மற்றும் இயக்குநர் செல்வராகவன் உள்ளிட்டோர் நடித்துள்ளனர்.
இந்நிலையில் கடந்த மாதம் 14ஆம் தேதி காதலர் தினத்தன்று வெளியான ‘பீஸ்ட்’ படத்தி பர்ஸ்ட் சிங்கிளான “ஹலமித்தி ஹபிபோ” பாடல் பட்டி தொட்டியெங்கும் ஒலித்து வருகிறது. தளபதி விஜய்யின் துள்ளலான நடனமும் அனிருத்தின் அசத்தலான இசையும் இணைந்து வெளியாகியுள்ள இந்தப் பாடல் இதுவரை யூட்யூப்பில் பல கோடி பார்வையாளர்களை கடந்து சாதனை படைத்து வருகிறது.
தனுஷ் பெயரை நீக்க ஐஸ்வர்யா போட்ட மாஸ்டர் பிளான்: வெளியான பரபரப்பு தகவல்..!
அதனை தொடர்ந்து அனிருத் இசையில் விஜய் பாடியுள்ள இரண்டாவது சிங்கிள் பாடலும் ரசிகர்கள் மத்தியில் அமோக வரவேற்பை பெற்று வருகிறது. இந்நிலையில் நேற்றைய தினம் வெளியான ‘பீஸ்ட்’ படத்தின் சென்சார் மற்றும் ரன்னிங் டைம் தகவலால் ரசிகர்கள் மகிழ்ச்சி அடைந்துள்ளனர். ’யூஏ’ சான்றிதழுடன் 2 மணிநேரம் 35 நிமிடங்கள் இந்தப்படம் ஒளிப்பரப்பாக உள்ளது.
அண்மையில் வெளியான அஜித்தின் ‘
வலிமை
‘ படத்தின் நீளம் ரசிகர்கள் மற்றும் விமர்சகர்கள் மத்தியில் மிகப்பெரிய குறையாக பேசப்பட்டது. கிட்டத்தட்ட மூன்று மணிநேரம் படம் வெளியானது. படம் வெளியான சில தினங்களில் படத்தின் நீளம் சற்று குறைக்கப்பட்டது. இதனால் உஷாரான ‘பீஸ்ட்’ படக்குழு ரன்னிங் டைமை 2 மணிநேரம் 35 நிமிடங்கள் திட்டமிட்டுள்ளது. இதனால் ‘பீஸ்ட்’ படத்தின் வெற்றி கிட்டத்தட்ட உறுதியாகிவிட்டதாக ரசிகர்கள் மகிழ்ச்சியில் உள்ளனர்.
மீண்டும் ஃபார்முக்கு வந்த விஜயகாந்த்; போட்டோ பார்த்து குஷியான ரசிகர்கள்!