கோலமாவு கோகிலா, டாக்டர் வெற்றிப்படங்களை இயக்கிய நெல்சன் தற்போது விஜய் நடிப்பில் ‘
பீஸ்ட்
‘ படத்தை இயக்கி முடித்துள்ளார். இந்தப்படம் வரும் ஏப்ரல் 13 ஆம் தேதி திரையரங்குகளில் வெளியாக உள்ளது. இந்தப்படத்தை தொடர்ந்து ரஜினியின் 169 வது படத்தை இயக்கும் வாய்ப்பை கைப்பற்றியுள்ளார்
நெல்சன் திலீப்குமார்
.
ரஜினியின் ‘அண்ணாத்த’ படம் பலவித நெகட்டிவ் விமர்சனங்களை தாண்டி பாக்ஸ் ஆபிஸில் வசூல் சாதனையை படைத்தது. ஆனாலும் ரஜினி ரசிகர்களுக்கு இந்தப்படம் பலத்த ஏமாற்றத்தை அளித்தது. இதனை தொடர்ந்து ரஜினியின் அடுத்த பட இயக்குனர்களின் பட்டியலில் பல இளம் இயக்குனர்களின் பெயர்கள் அடிப்பட்டது.
இந்நிலையில் யாரும் எதிர்பார்க்காத விதமாக கடந்த சில வாரங்களுக்கு முன்பாக ரஜினியின் ‘
தலைவர் 169
‘ பட அப்டேட் வெளியானது. சன் பிக்சர்ஸ் தயாரிப்பில் அனிருத் இசையில் தனது 169 ஆவது படத்தில் நடிக்கவுள்ளார் ரஜினி. கோலமாவு கோகிலா, டாக்டர், பீஸ்ட் படங்களின் இயக்குனருடன் ரஜினி இணைந்துள்ளது ரசிகர்கள் மத்தியில் மிகப்பெரிய எதிர்பார்ப்பினை கிளப்பியுள்ளது.
தளபதியின் ‘பீஸ்ட் ‘ படத்துடன் மோதலா..?: ‘கே.ஜி.எஃப்’ நாயகனின் மிரட்டலான பதில்..!
இந்நிலையில் இந்தப்படத்தின் டைட்டில் குறித்து புதிய தகவல் இணையத்தில் வெளியாகி பரபரப்பை ஏற்படுத்தியுள்ளது. அதன்படி நெல்சனின் முந்தைய படங்களான டாக்டர் மற்றும் ‘பீஸ்ட்’ படங்களின் பாணியில் ஒரே ஒரு ஆங்கில வார்த்தையில் தான் ’தலைவர் 169’ படத்தின் டைட்டிலும் இருக்கும் என்ற தகவல் வெளியாகியுள்ளது. ’தலைவர் 169’ பான் இந்தியா படமாக உருவாக உள்ளதால் ஆங்கில வார்த்தையில் டைட்டில் வைக்க உள்ளதாக தகவல்கள் வெளியாகியுள்ளன.
‘தலைவர் 169’ பட அறிவிப்பிற்காக மோஷன் போஸ்டர் ஒன்று வெளியானது. ரஜினி, நெல்சன், அனிருத் இடம்பெற்ற வீடியோ இணையத்தில் வேற லெவலில் வைரலானது. தென்னிந்தியாவில் வெளியான பட அறிவிப்புகளிலே ‘தலைவர் 169’ பட அறிவிப்பு நான்கு கோடி லைக்குகளை குவித்து புதிய சாதனை படைத்துள்ளது குறிப்பிடத்தக்கது.
வலிமை BlockBuster ? AK 62 எப்படி Ok ஆனது? பீஸ்ட் audio launch ரத்தானது ஏன்?
அடுத்த செய்திஇன்னும் படமே ரிலீஸ் ஆகல… அதுக்குள்ள அன்சீனா? சன் பிக்சர்ஸை கழுவி ஊற்றும் நெட்டிசன்ஸ்!