விருதுநகர் இளம்பெண் பாலியல் வன்கொடுமை வழக்கு தொடர்பாக விசாரணை நடத்த, தென் மாவட்டங்களை சேர்ந்த 100க்கும் மேற்பட்ட சிபிசிஐடி போலீசார், விருதுநகர் சிபிசிஐடி காவல்நிலையத்திற்கு வருகை தந்துள்ளனர்.
இவ்வழக்கு தொடர்பான விசாரணையை சிபிசிஐடி போலீசார் தீவிரப்படுத்தியுள்ள நிலையில், கைதான 4 பேரை 6 நாள் காவலில் எடுத்து விசாரிக்க ஸ்ரீவில்லிபுத்தூர் வன்கொடுமை தடுப்பு நீதிமன்றம் அனுமதி வழங்கியுள்ளது.
வழக்கின் முக்கிய குற்றவாளியான ஹரிஹரன் உறவினர்களிடம் நேற்றிரவு சிபிசிஐடி போலீசார் விடிய விடிய விசாரணை நடத்தினர். மேலும், குற்றம்சாட்டப்பட்ட 4 பேரிடமும், அவர்களது உறவினர்களிடமும் விசாரணை மேற்கொள்ள மதுரை, சிவகங்கை, தேனி, திண்டுக்கல், ராமநாதபுரம் சேர்ந்த 100க்கும் மேற்பட்ட சிபிசிஐடி போலீசார் வந்துள்ளனர்.