கொரோனா காலகட்டத்திற்கு பிறகு Smart Watch பயன்பாடு என்பது பொதுமக்களிடையே பெரிதும் அதிகரித்து காணப்படுகிறது. பல பாதுகாப்பு அம்சங்கள் அடங்கி இருக்கும் ஸ்மார்ட்வாட்ச் மூலம், உடல்நிலையில் ஏற்படும் மாற்றங்களை பயனர்களால் நிகழ் நேரத்திலேயே கணிக்க முடிகிறது.
பல நேரங்களில் மரணம் நிகழாமலும் ஸ்மார்ட்வாட்சுகள் பல பேரை காப்பாற்றி இருக்கிறது. பெரும்பாலான தொழில்நுட்ப கண்டுபிடிப்புகள் நல்ல நோக்கத்துக்காகவே வெளி கொண்டுவரப்படுகிறது. ஆனால், இதனையும் பலர் தவறான வழிகளில் பயன்படுத்துவது உண்டு. அதுபோன்ற சம்பவம் தான், தற்போது அமெரிக்காவில் நடந்துள்ளது.
ஸ்மார்ட்வாட்ச் கொண்டு உளவு வேலை
முன்னதாக Apple நிறுவனத்தின்
AirTag
உதவியுடன் நிறைய திருட்டு சம்பவங்கள் நடைபெறுவதாக குற்றச்சாட்டுகள் வந்தது. இந்த குற்றச்சாட்டுகளை உறுதிபடுத்தும் விதமாக, பல சம்பவங்களும் அரங்கேறியது. இந்நிலையில், தற்போது Apple Watch உதவியுடன், காதலியை வேவு பார்த்த நபர் காவல் துறையிடம் வசமாக சிக்கியுள்ளார்.
காதலியின் வாகனத்தில் ஆப்பிள் வாட்சை இணைத்து, அதனை கட்டுப்படுத்தும் செயலி மூலம் நகர்வுகளை கண்காணித்துள்ளார் அந்த நபர். இது குறித்து அந்த பெண் அளித்த புகாரில், “எனது நண்பர் லாரன்ஸ் வெல்ச் என்னை பல முறை கொலை செய்ய திட்டமிட்டுள்ளார். Life360 செயலி மூலம் அவர் நான் செல்லும் இடங்களை அறிந்துகொள்கிறார். இதனை அறிந்த நான், என் போனுடன் இருந்த அந்த செயலியின் இணைப்பைத் துண்டித்து விட்டேன்.
பொது இடத்தில் Wi-Fi பயன்படுத்தும் நபரா நீங்கள் – இத தெரிஞ்சுக்கோங்க!
பிடிபட்ட காதலன்
அதனைத் தொடர்ந்து, Apple Watch உதவியுடன் என் இருப்பிடத்தை பின் தொடருகிறார் லாரன்ஸ். இதனால், என் உயிருக்கு ஆபத்து இருப்பதால், உடனடியாக அவரை கைதுசெய்து நடவடிக்கை எடுக்க வேண்டும்,” என்று குறிப்பிடப்பட்டிருந்தது.
இதனைத் தொடர்ந்து, அந்த நபரை காவல் துறையினர் கண்காணித்து வந்தனர். இதனிடையில், அந்த பெண்ணின் வாகனத்தில் இருந்து Apple Watch ஒன்றை காவல் துறையினர் கண்டுபிடித்தனர். உடனடியாக அதுகுறித்து ஆய்வு மேற்கொண்டனர். அதில், அது லாரன்ஸின் ஸ்மார்ட்வாட்ச் என்பதை காவலர்கள் உறுதிசெய்தனர்.
உடனடியாக, லாரன்ஸை வீடு தேடி சென்று காவல் துறையினர் கைது செய்தனர். மேற்கொண்ட விசாரணையில் லாரன்ஸ் உண்மை அனைத்தையும் வாக்கு மூலமாக அளித்துள்ளார். ஸ்மார்ட் சாதனங்களை கவனத்துடன் பயன்படுத்துமாறும், அது நிகழ்த்தும் தீங்கினை மக்கள் அறிந்துகொள்ள வேண்டும் என்று காவல் துறையினர் பொதுமக்களிடம் வலியுறுத்தி உள்ளனர்.
காவலன் SOS தெரியுமா… உங்களை ஆபத்தில் இருந்து காக்க இவனால் முடியும் – வீடியோ!
உயிரை காப்பாற்றும் ஆப்பிள் வாட்ச்
Apple நிறுவனத்தின் பெரும்பாலான தயாரிப்புகள் ‘Find My’ எனும் செயலியில் இணைக்கப்பட்டிருக்கும். முக்கியமாக மக்கள் அதிகம் பயன்படுத்தும் Apple Watch, iPhones, AirPods என பல சாதனங்கள் இதனுடன் இணைந்து செயல்படும். ஆனால், AirTag பிரச்னைக்கு பிறகு வேறொரு ஆப்பிள் தயாரிப்பு வேவு பார்ப்பதற்காக பயன்படுத்தப்பட்டது என்று செய்து வெளியாவது இதுவே முதல் முறை.
ஆப்பிள் வாட்ச் பல நபர்களின் உயிரை காப்பாற்றியுள்ளது உங்களில் யாருக்காவது தெரியுமா. கடந்த வாரம், இந்தியாவின் ஹரியானா மாநிலத்தில், ஆப்பிள் ஸ்மார்ட்வாட்ச் ஒரு பல் மருத்துவரின் உயிரையே காத்துள்ளது. அவசர உதவி தேவைபட்ட நேரத்தில், ஆப்பிள் வாட்ச் சரியாக கணித்து, அவருக்கு மருத்துவர் உதவி தேவைப்படுகிறது என்று அறிவுறுத்தியுள்ளது. தொடர்ந்து மருத்துவமனையில் அனுமதிக்கப்பட்ட அவர், அறுவை சிகிச்சை முடிந்து நலமுடன் வீடு திரும்பியுள்ளார் என்பது குறிப்பிடத்தக்கது.
மேலதிக செய்திகள்
:
apple watch: உயிரை காத்த Apple வாட்ச் – ஹரியானாவில் நடந்த உண்மை சம்பவம்!பாதுகாப்பாக இணையத்தில் உலாவ சிறந்த VPN-கள்?வாரத்துக்கு ரெண்டு – Samsung விரும்பிகளுக்கு ஜாக்பாட்!
அடுத்த செய்திவாரத்துக்கு ரெண்டு – Samsung விரும்பிகளுக்கு ஜாக்பாட்!