அஜித்திற்கு குறைந்த சண்டைக்காட்சிகளை கொடுத்த வினோத்
நடிகர் அஜித், இயக்குனர் எச்.வினோத், தயாரிப்பாளர் போனி கபூர் கூட்டணியில் நேர்கொண்டப்பார்வை, வலிமை ஆகிய இரண்டு படங்கள் இதுவரை வெளியாகியுள்ளன. அடுத்து அஜித் நடிக்கும் 61 வது படத்தை போனி கபூர் தயாரிக்க இருப்பதாக அதிகாரபூர்வமாக சமீபத்தில் அறிவித்தார் . அஜித்தின் 61 வது படம் வங்கி கொள்ளை தொடர்பான கதையில் உருவாகிறது.
இந்த படத்தில் அஜித் நீண்ட நாட்களுக்கு பிறகு வில்லன் கதாபாத்திரத்தில் நடிப்பதாகவும் கூறப்படுகிறது. இந்த படத்திற்காக ஐதராபாத்தில் ராமோஜி பிலிம் சிட்டியில் செட் அமைக்கும் பணிகள் விறுவிறுப்பாக நடைபெற்று வருகிறது .இந்த படத்தின் படப்பிடிப்பு ஏப்ரல் 2 ஆம் வாரத்தில் ஐதராபாத்தில் துவங்க உள்ளது . இந்த படத்தில் அஜித்திற்கு சண்டைக்காட்சிகள் குறைவாக போவதாகவும் கூறப்படுகிறது .