ரஷ்ய வெளியுறவு அமைச்சருடன் இந்தியா பேச்சுவார்த்தை நடத்துவது சரியல்ல. பெரும் ஏமாற்றமளிக்கிறது என்று
அமெரிக்கா
வர்ணித்துள்ளது. ஆரம்பத்திலிருந்தே ரஷ்யாவுக்கு எதிராக செயல்படுமாறு இந்தியாவை, அமெரிக்கா வற்புறுத்தி வருவது நினைவிருக்கலாம்.
அமெரிக்காவுடன் சேர்ந்து ஆஸ்திரேலியாவும் இந்தியாவை விமர்சித்துள்ளது. ரஷ்யாவுடன் இணைந்து இந்தியா செயல்படுவது , அமெரிக்கா உள்ளிட்ட நாடுகள் ரஷ்யா மீது விதித்துள்ள பொருளாதார தடைகளை நீர்த்துப் போகச் செய்யும் வகையில் அமைந்திருப்பதாகவும், இது உக்ரைன் மீதான ரஷ்யத் தாக்குதலை நியாயப்படுத்துவது போலாகி விடும் என்றும் இந்தியாவை இந்த இரு நாடுகளும் எச்சரித்துள்ளன.
உக்ரைன் தாக்குதல் உக்கிரத்தில் இருக்கும் நிலையில் ரஷ்ய வெளியுறவுத்துறை அமைச்சர்
செர்ஜி லாவரோவ்
இன்று இந்தியா வருகிறார். இது அமெரிக்காவை கடும் எரிச்சலுக்குள்ளாக்கியுள்ளது. இந்தியாவை அதீதமாக கண்டிக்கவும் முடியாமல், இந்த சந்திப்பைத் தடுக்கவும் முடியாமல் கடுப்பாகியுள்ளது அமெரிக்கா. அதேசமயம், இந்தியா மீது கடுமையான நடவடிக்கைகளையும் அமெரிக்காவால் எடுக்க முடியவில்லை.
“நீங்க ஆடக் கூடாது”.. தடை போட்ட கோவில்.. ஏன் இந்த அநீதி.. குமுறலில் செளம்யா!
இந்த நிலையில் லாவரோவ் – மத்திய வெளியுறவு அமைச்சர் ஜெயசங்கர் இடையிலான சந்திப்பு குறித்து அமெரிக்கா கருத்து தெரிவித்துள்ளது. இதுகுறித்து அமெரிக்க வர்த்தகத்துறை அமைச்சர் ஜினா ரெய்மான்டோ கூறுகையில், வரலாற்றின் சரியான பக்கம் இந்தியா நிற்க வேண்டிய நேரம் இது. அமெரிக்காவுடனும், பிற நாடுகளுடனும் இணைந்து நிற்க வேண்டிய தருணம் இது. உக்ரைன் மக்களின் சுதந்திரம், ஜனநாயகம், இறையாண்மைக்கு ஆதரவாக நிற்க வேண்டிய நேரம் இது. அதிபர் புடினின் போரை ஆதரிக்கக் கூடாது.
இந்தியாவும் – ரஷ்யாவும் விவாதிக்கவுள்ள திட்டம் குறித்து அறிந்து நாங்கள் பெருத்த ஏமாற்றமடைந்துள்ளோம். அந்த ஒப்பந்தம் குறித்த முழு விவரம் கிடைக்கவில்லை. ஆனால் அமெரிக்கா உள்ளிட்ட நாடுகள் விதித்துள்ள பொருளாதாரத் தடைகளை நீர்த்துப் போகச் செய்யும் வகையில் ரஷ்யா கொடுத்துள்ள திட்டம் இது. இதை இந்தியா ஏற்பது எங்களுக்கு ஏமாற்றம் அளித்துள்ளது என்று அவர் கூறியுள்ளார்.
ஆஸ்திரேலிய வர்த்தக அமைச்சர் டேன் டெஹான் கூறுகையில், ஜனநாயக நாடுகள் இணைந்து செயல்பட வேண்டும். 2வது உலகப் போருக்குப் பின்னர் நாம் கடைப்பிடித்து வரும் நடைமுறைகளிலிருந்து வழுவாமல் செயல்பட அனைவரும் முன்வர வேண்டும் என்றார் அவர்.
ரஷ்யாவின்
உக்ரைன் போர்
தொடர்பாக குவாட் அமைப்புக்குள் விரிசல் ஏற்பட்டு வருவதையே இந்த கருத்துக்கள் காட்டுகின்றன. குவாட் அமைப்பில்இடம் பெற்றுள்ள நாடுகளில் இந்தியாவைத் தவிர பிற அனைத்து உறுப்பு நாடுகளும் அதாவது அமெரிக்கா, ஆஸ்திரேலியா, ஜப்பான் ஆகியவை ரஷ்யாவைக் கண்டித்துள்ளன. ஆனால் இந்தியா கண்டிக்க மறுத்து விட்டது. மாறாக நடுநிலை வகிப்பதாக கூறி விட்டது.
“வீட்டுக்குப் போனா பொண்டாட்டி திட்டுவா சார்”.. 14 வருஷமாக ஏர்போர்ட்டிலேயே வசிக்கும் நபர்!
ரஷ்யாவிடமிருந்துதான் இந்தியா பெருமளவில் ஆயுதங்களை வாங்குகிறது. அதேபோல ரஷ்யாவிடமிருந்து சலுகை விலையில் கச்சா எண்ணையையும் அது வாங்குகிறது. ரஷ்யா – இந்தியா இடையிலான உறவு என்பது மிகவும் பாரம்பரியம் வாய்ந்தது. வங்கதேசப் போரில் அமெரிக்காவிடமிருந்து இந்தியாவுக்கு மிரட்டல் வந்தபோது நமக்கு உதவியாக வந்தது ரஷ்யாதான். இதனால்தான் உக்ரைன் போரிலும் இந்தியா, ரஷ்யாவைக் கண்டிக்க முன்வரவில்லை. இதெல்லாம் அமெரிக்காவுக்கு உறுத்தலாக இருக்கிறது.
ரஷ்யாவுக்கு எதிராக ஐ.நா. சபையில் தீர்மானங்கள் கொண்டு வரப்பட்டபோது, வாக்கெடுப்பில் கலந்து கொள்ளாமல் இந்தியா புறக்கணித்தது. இதை அமெரிக்கா விரும்பவில்லை. மேலும் ரஷ்யாவுடன் ரூபிள் நாணயத்தில் வர்த்தகம் செய்யவும் இந்தியா தீர்மானித்துள்ளது. இதையும் அமெரிக்கா விரும்பவில்லை.
சமீபத்தில்தான் சீன வெளியுறவு அமைச்சர் இந்தியாவுக்கு வந்து சென்றார். தற்போது
ரஷ்ய வெளியுறவு அமைச்சர்
வருகிறார். இது அமெரிக்காவை அதிர்ச்சி அடைய வைத்துள்ளது. இந்தியா – ரஷ்யா – சீனா இணைந்து செயல்படுவதாக அது கருதுகிறது. அதேசமயம், இந்தியாவுக்கு எதிராக கடுமையான நடவடிக்கைகளையும் எடுக்க முடியாத நிலையில் அமெரிக்கா உள்ளிட்ட நட்பு நாடுகள் உள்ளன.
அடுத்த செய்தி”வீட்டுக்குப் போனா பொண்டாட்டி திட்டுவா சார்”.. 14 வருஷமாக ஏர்போர்ட்டிலேயே வசிக்கும் நபர்!