தமிழ் சினிமாவில் பிசியான நடிகராக வலம் வருபவர்
விஜய் சேதுபதி
. தமிழ் மட்டும் இல்லாமல் இந்தி மற்றும் தெலுங்கு மொழி படங்களிலும் பிசியாக நடித்து வருகிறார். திரையிலகில் முன்னணி நடிகராக திகழ்ந்தாலும் கதாநாயகனாக மட்டுமல்லாமல் கதாபாத்திரத்திற்கு முக்கியத்துவம் அளிக்கும் படங்களிலும் தொடர்ச்சியாக நடித்து வருகிறார்.
விஜய் சேதுபதி நடிப்பில்
மாமனிதன்
, யாதும் ஊரே யாவரும் கேளீர் படங்கள் வெளியாக உள்ளன. இதனிடையில் சூரியை வைத்து வெற்றிமாறன் இயக்கும் ‘விடுதலை’ படத்திலும் நடித்து முடித்துள்ளார். சன் பிக்சர்ஸ் தயாரிப்பில் பொன்ராம் இயக்கத்தில் ஒரு படத்திலும் நடித்து வருகிறார்.
கடந்த 2019 ஆம் ஆண்டு விஜய் சேதுபதி நடிப்பில்
தியாகராஜன் குமாரராஜா
இயக்கத்தில் வெளியான படம்
சூப்பர் டீலக்ஸ்
. இந்த படத்தில் ஷில்பா என்ற திருநங்கை வேடத்தில் நடித்திருந்தார் விஜய் சேதுபதி. இந்தப்படத்தில் சிறப்பான நடிப்பை வெளிப்படுத்தியதிற்காக விஜய்சேதுபதிக்கு சிறந்த துணை நடிகருக்கான தேசிய விருது அறிவிக்கப்பட்டது.
ஒரே தப்பை மீண்டும் மீண்டும் செய்யும் தனுஷ்: கவலையில் ரசிகர்கள்..!
கடந்த அக்டோபர் 25 ஆம் தேதி நடைபெற்ற 67-வது தேசிய திரைப்பட விருது வழங்கும் விழாவில் ‘சூப்பர் டீலக்ஸ்’ படத்தில் திருநங்கையாக நடித்ததிற்காக விஜய் சேதுபதிக்கு சிறந்த துணை நடிகர் விருது வழங்கப்பட்டது. இந்த விருதினை குடியரசு துணைத் தலைவர் வெங்கய்யா நாயுடு வழங்கினார்.
இந்நிலையில் ‘சூப்பர் டீலக்ஸ்’ படத்தை தொடர்ந்து மீண்டும் தியாகராஜன் குமாரராஜா இயக்கத்தில் விஜய் சேதுபதி நடிக்கவுள்ளதாக தகவல்கள் வெளியாகியுள்ளது. டபுள் ஹீரோ சப்ஜெக்ட் கொண்ட இந்த கதையில் ஒரு ஹீரோவாக விஜய் சேதுபதி நடிக்கவுள்ளதாக கூறப்படுகிறது. ராவான படங்களை கொடுத்த தியாகராஜன் இயக்கத்தில் இரண்டாது முறையாக விஜய் சேதுபதி இணையவுள்ளது ரசிகர்கள் மத்தியில் எதிர்பார்ப்பினை கிளப்பியுள்ளது.
சைலெண்டாக சாதித்த விஜய் சேதுபதி – மக்கள் செல்வனுக்கு குவியும் பாராட்டுக்கள்!
அடுத்த செய்திஎன்னோட ஆட்டியூட் அவருக்கு பிடிச்சுப்போச்சு… இயக்குநர் பாலா குறித்து மனம் திறந்த நடிகை!