ஒரே தப்பை மீண்டும் மீண்டும் செய்யும் தனுஷ்: கவலையில் ரசிகர்கள்..!

கார்த்திக் நரேனின் ‘மாறன்’ படத்தை தொடர்ந்து சன் பிக்சர்ஸ் தயாரிப்பில் மித்ரன் ஜவஹர் இயக்கத்தில் ‘
திருச்சிற்றம்பலம்
’ படத்தில் நடித்து வந்தார்
தனுஷ்
. இதன் படப்பிடிப்பு அண்மையில் நிறைவடைந்ததை தொடர்ந்து, தனது அண்ணன்
செல்வராகவன்
இயக்கத்தில் ‘
நானே வருவேன்
‘ படத்திலும் நடித்து வருகிறார் தனுஷ்..

இயக்குநர் செல்வராகவன், தனுஷ், யுவன்சங்கர் ராஜா ஆகிய மூவரும் பத்தாண்டுகளுக்கு பிறகு ‘நானே வருவேன்’ படத்தில் மீண்டும் இணைய உள்ளனர். புதுப்பேட்டை படத்திற்கு பிறகு இவர்கள் மூவரும் இணைய உள்ளதால் இந்தப்படத்திற்கு ரசிகர்கள் மத்தியில் மிகப்பெரிய எதிர்பார்ப்பு ஏற்பட்டுள்ளது. இந்தப்படத்தை கலைப்புலி எஸ் தாணு தயாரிக்க உள்ளார்.

இதனிடையில் தெலுங்கு மற்றும் தமிழில் உருவாகும் ‘வாத்தி’ படத்திலும் நடித்து வருகிறார். இந்நிலையில்
அருண் மாதேஸ்வரன்
இயக்கத்தில் தனுஷ் நடிக்கும் படத்தின் அறிவிப்பு அண்மையில் வெளியானது. இவர் ராக்கி மற்றும் தனுஷின் அண்ணன் செல்வராகவன் நடிப்பில் உருவாகியுள்ள ‘சாணிக்காயிதம்’ படத்தையும் இயக்கியுள்ளார்.

Beast: மக்களை காப்பாற்ற போராடும் தளபதி.. ‘பீஸ்ட்’ சீக்ரெட்டை போட்டுடைத்த நெல்சன்..!

இந்நிலையில் தனுஷ் மற்றும் அருண் மாதேஸ்வரன் இணையும் படத்தின் படப்பிடிப்பு மே மாத இறுதியில் துவங்கவுள்ளதாக தகவல்கள் வெளியாகியுள்ளன. இந்தப்படத்தை சத்ய ஜோதி பிலிம்ஸ் தயாரிக்கவுள்ளதாகவும் கூறப்படுகிறது. இவர்கள் தயாரிப்பில் தனுஷ் நடிப்பில் அண்மையில் ஓடிடி ரிலீசாக வெளியான ‘மாறன்’ படம் ரசிகர்களிடம் வரவேற்பை பெறவில்லை. மேலும் இவர்களின் தயாரிப்பில் உருவாகும் பெரும்பாலான படங்கள் ஓடிடியிலே வெளியாகிறது.

இதனால் தனுஷ் மற்றும் அருண் மாதேஸ்வரன் இணையும் படமும் ஓடிடியில் வெளியாகும் என கூறப்படுகிறது. இந்த தகவல் ரசிகர்கள் மத்தியில அதிர்ச்சியை ஏற்படுத்தியுள்ளது. ஏற்கனவே ஓடிடி ரிலீசாக வெளியான தனுஷின் கடைசி மூன்று படங்களும் சொல்லி கொள்ளும்படியான வெற்றியை பெறவில்லை. இதனால் அருண் மாதேஸ்வரன் படமும் ஓடிடியில் வெளியாக உள்ளதாக கசிந்துள்ள தகவல் ரசிகர்கள் மத்தியில் கவலையை ஏற்படுத்தியுள்ளது.

நெல்சன் போட்ட ஒரு ட்வீட்.. தலைவருக்கா? தளபதிக்கா?

அடுத்த செய்திநாளைக்கு படம் ரிலீஸ்… இன்னைக்கு டைட்டில் பிரச்சனை… சிக்கலில் மன்மத லீலை!